ନୂଆଦିଲ୍ଲୀ: ମୋଦି ଓ ଶାହାଙ୍କ ଦ୍ବାରା ନିର୍ବାଚନରେ ପ୍ରଭାବୀ ପ୍ରଦର୍ଶନ କରିଛି ବିଜେପି । 2019ରେ ବିଜେପି 303 ଲୋକସଭା ଆସନରେ ବିଜୟୀ ହେବା ସହ ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଥିଲା । ଏହା ବାଦ ମଧ୍ୟପ୍ରଦେଶ, ଛତିଶଗଡ ଓ ରାଜସ୍ଥାନରେ ମଧ୍ୟ ଦଳ ଖରାପ ପ୍ରଦର୍ଶନ କରିଥିଲା । ପୁଣି ନିଜର ପତିଆରା ଜାହିର କରି ବିଜେପି ସଂସଦୀୟ ଆସନ ଗୁଡିକରେ ନିଜର ଦବଦବା ଜାହିର କରିଥିଲା । ସେହିପରି ମହାରାଷ୍ଟ୍ରରେ ଶିବସେନା ସହ ମେଣ୍ଟ ପରେ ଏନସିପି ସହ ବୁଝାମଣା ଆଦି ସବୁଥିରେ ମୋଦିଙ୍କ ଲୋକପ୍ରିୟତା ଥିଲେ ମଧ୍ୟ ସ୍ଥାନୀୟ ନେତାଙ୍କର ଆବଶ୍ୟକତା ବାରି ହୋଇପଡିଥିଲା ।
ସେହିପରି ବିଜେପି ପରବର୍ତ୍ତୀ ସମୟରେ ଲୋକଙ୍କର ଆକ୍ରୋଶର ଶିକାର ହୋଇଥିଲା । ଦଳ ହରିୟାଣା ଓ ଗତ ମହାରାଷ୍ଟ୍ର ନିର୍ବାଚନରେ ମ୍ୟାଜିକ ଅଙ୍କ ଛୁଇଁ ପାରି ନଥିଲା । ଏପରିକି ମହାରାଷ୍ଟ୍ରରେ ନିଜର ପରାକାଷ୍ଠା ପ୍ରତିପାଦନରେ ଆଶଙ୍କା ଜାତ ହେବାରୁ ଶିବସେନା ସହ ନିର୍ବାଚନୀ ପୂର୍ବ ମେଣ୍ଟ କରିଥିଲା । ଯାହାକୁ ନେଇ ପରବର୍ତ୍ତୀ ସମୟରେ ବିବାଦ ଉପୁଜିଥିଲା । 50-50 ଫର୍ମୁଲାକୁ ବିଜେପି ଅସ୍ବୀକାର କରିବା ପରେ ଶିବସେନା ମେଣ୍ଟରୁ ଓହରିଯାଇଥିଲା । ଯାହାକୁ ନେଇ ମହାରାଷ୍ଟ୍ର ରାଜନୀତିରେ ବେଶ ରୋଚକ ପରିସ୍ଥିତି ସୃଷ୍ଟି ହୋଇଥିଲା ।
ଏହାପରେ ଦେବେନ୍ଦ୍ର ଫର୍ଣ୍ଣାଡିଜ ନାଟକୀୟ ଭାବରେ ଏନସିପି ନେତା ଅଜିତ ପାୱାରଙ୍କ ସହାୟତାରେ ମୁଖ୍ୟମନ୍ତ୍ରୀ ଭାବରେ ଶପଥ ନେଇ ଥିଲେ । ଯାହାପରେ ଶରତ ପାୱାରଙ୍କ ହସ୍ତକ୍ଷେପ ପରେ ଏହି ସରକାର ଭଙ୍ଗ ହୋଇଥିଲା । ଏହାପରେ ଶିବସେନା, କଂଗ୍ରେସ ଓ ଏନସିପି ମିଳିତ ଭାବରେ ସରକାର ଗଠନ କରିଥିଲେ । ଯାହାକୁ ନେଇ ବିଜେପି ବେଶ ଲଜ୍ଜିତ ହୋଇଥିଲା । ସେହିପରି ମଧ୍ୟପ୍ରଦେଶରେ କମଳନାଥ ସରକାରରେ ମଧ୍ୟ ଅନୁରୂପ ପରିସ୍ଥିତି ଦେଖିବାକୁ ମିଳିଥିଲା । ଯେତେବେଳେ 6ରୁ ଅଧିକ ବିଧାୟକ କମଳନାଥଙ୍କ ସହ ବ୍ୟାପାର କରି ବସିଥିଲେ ।