ଦିଲ୍ଲୀରେ ଜୈସ ଆତଙ୍କବାଦୀ, ଆକ୍ରମଣ ସମ୍ଭାବନା

ଦିଲ୍ଲୀରେ ଜୈସ-ଏ-ମହମ୍ମଦ ସଙ୍ଗଠନର 3ରୁ 4ଜଣ ଆତଙ୍କବାଦୀ ପ୍ରବେଶ କରିଥିବା ନେଇ ଗୁଇନ୍ଦା ବିଭାଗର ସୂଚନା। ଏନେଇ ହାଇଆଲର୍ଟ ଜାରି କରାଯିବା ସହ ସୁରକ୍ଷା ବ୍ୟବସ୍ଥାକୁ ବଢାଇ ଦିଆଯାଇଛି। ଅନ୍ୟପଟେ ଦିଲ୍ଲୀର ବିଭିନ୍ନ ସ୍ଥାନରେ ଚଢାଉ ଜାରି ରଖିଛି ଦିଲ୍ଲୀ ପୋଲିସ।

ନୂଆଦିଲ୍ଲୀ: ଜାତୀୟ ରାଜଧାନୀ ଦିଲ୍ଲୀରେ ହୋଇପାରେ ଆତଙ୍କବାଦୀ ଆକ୍ରମଣ । ଜୈସ-ଏ-ମହମ୍ମଦ ସଙ୍ଗଠନର 3ରୁ 4 ଆତଙ୍କବାଦୀ ଦିଲ୍ଲୀରେ ପ୍ରବେଶ କରିଥିବା ନେଇ ଗୁଇନ୍ଦା ବିଭାଗ ପକ୍ଷରୁ ସୂଚନା ମିଳିଛି । ପାର୍ବଣ ସମୟରେ ଆତଙ୍କବାଦୀ ଆକ୍ରମଣ ହେବା ନେଇ ସୂଚନା ମିଳିବା ପରେ ଦିଲ୍ଲୀରେ ହାଇଆଲର୍ଟ ଜାରି କରାଯିବା ସହ ସୁରକ୍ଷା ବ୍ୟବସ୍ଥାକୁ ବଢାଇ ଦିଆଯାଇଛି ।

ଆତଙ୍କବାଦୀ ଆକ୍ରମଣ ନେଇ ସୂଚନା ପାଇବା ପରେ ଦିଲ୍ଲୀ ପୋଲିସ ପକ୍ଷରୁ ଅନେକ ସ୍ଥାନରେ ଚଢାଉ ଜାରି ରହିଛି । ପୂର୍ବରୁ ଭାରତରେ ଆତଙ୍କବାଦୀ ଆକ୍ରମଣ ହେବା ନେଇ ଆମେରିକା ପକ୍ଷରୁ ଆଲର୍ଟ କରାଯାଇଥିଲା । କାଶ୍ମୀର ମାମଲାକୁ ନେଇ ପାକିସ୍ତାନ ପକ୍ଷରୁ ଆତଙ୍କବାଦୀ ଆକ୍ରମଣ କରାଯିବାର ସମ୍ଭାବନା ଥିବା କୁହାଯାଇଥିଲା ।