ତବଲିଗୀ ଜମାତ ମୁଖ୍ୟଙ୍କୁ ଦିଲ୍ଲୀ ପୋଲିସର ଦ୍ବିତୀୟ ନୋଟିସ

ଦିଲ୍ଲୀ ପୋଲିସ ତବଲିଗି ଜମାତ ମୁଖ୍ୟ ମୌଲାନା ସାଦ ବିରୋଧରେ ଦ୍ବିତୀୟ ନୋଟିସ ଜାରି କରିଛି । ପୂର୍ବରୁ ନିଜ ଓକିଲ ସହାୟତାରେ ଦିଲ୍ଲୀ ପୋଲିସକୁ ମୌଲାନା କିଛି ଡକ୍ୟୁମେଣ୍ଟ ଦ୍ବାରା ସୂଚନା ପ୍ରଦାନ କରିଥିଲେ। ଅଧିକ ପଢନ୍ତୁ...

ନୂଆଦିଲ୍ଲୀ: ପୋଲିସ ତବଲିଗୀ ଜମାତ ମୁଖ୍ୟ ମୌଲାନା ସାଦ ବିରୋଧରେ ଦ୍ବିତୀୟ ନୋଟିସ ଜାରି କରିଛି । ଦିଲ୍ଲୀର ନିଜ୍ଜାମୁଦ୍ଦିନ ମରକଜରେ ଧର୍ମୀୟ ସଭାରେ ବହୁ ପରିମାଣରେ ଲୋକ ସାମିଲ ହୋଇଥିଲେ । ସେମାନଙ୍କ ମଧ୍ୟରେ ବହୁସଂଖ୍ୟାରେ କୋରୋନା ପଜେଟିଭ ଭାବରେ ଚିହ୍ନଟ ହୋଇଥିଲେ ।

ଗତମାସ ମାର୍ଚ୍ଚ 13 ରୁ 15 ତାରିଖ ମଧ୍ୟରେ ବିପୁଳ ସଂଖ୍ୟାରେ ଲୋକ ଏକତ୍ରିତ ହୋଇ ଧର୍ମୀୟ ସଭା କରିଥିଲେ । ଏହି ସଭାରେ ଯୋଗଦେଇଥିବା ଲୋକମାନେ ସାରା ଭାରତରୁ ଆସିଥିଲେ । ପୂର୍ବରୁ ନିଜ ଓକିଲ ସହାୟତାରେ ଦିଲ୍ଲୀ ପୋଲିସକୁ ମୌଲାନା କିଛି ଡକ୍ୟୁମେଣ୍ଟ ଦ୍ବାରା ସୂଚନା ପ୍ରଦାନ କରିଥିଲେ ।

ଦେଶକ ବିଭିନ୍ନ ଅଞ୍ଚଳରୁ କୋରୋନା ପରୀକ୍ଷା ପରେ ମୁଖ୍ୟତଃ ଏହି ଧର୍ମୀୟ ସଭାରେ ଯୋଗଦେଇଥିବା ଲୋକଙ୍କୁ କୋରୋନା ପଜେଟିଭ ଅଧିକ ସଂଖ୍ୟାରେ ବାହାରିଛି । ଏହାପରେ ତବଲିଗୀ ଜମାତ ମୁଖ୍ୟ ମୌଲାନା ସାଦଙ୍କ ବିରୋଧରେ 1897 ମହାମାରୀ ଆଇନ ଅନୁଯାୟୀ ମାମାଲା ରୁଜୁ କରାଯାଇଛି ।