ଦିଲ୍ଲୀ ପୋଲିସ କନଷ୍ଟେବଳ କୋରୋନା ପଜେଟିଭ, କ୍ବାରେନଣ୍ଟାଇନରେ ଷ୍ଟେସନ କର୍ମଚାରୀ

ରବିବାର ଦିଲ୍ଲୀ ତିଲକ ବିହାର ପୋଲିସ ପୋଷ୍ଟରେ ପୋଷ୍ଟ ହୋଇଥିବା ଜଣେ ପୋଲିସକର୍ମୀ କୋରୋନା ସଂକ୍ରମିତ ହୋଇଛନ୍ତି । ଏହାପରେ ସମସ୍ତ ପୋଲିସ କର୍ମଚାରୀଙ୍କୁ କ୍ବାରେନଣ୍ଟାଇନରେ ରହିବା ପାଇଁ କୁହାଯାଇଛି । ଅଧିକ ପଢନ୍ତୁ...

ନୂଆଦିଲ୍ଲୀ : କୋରୋନା ବିରୋଧୀ ଲଢେଇରେ ଆଗ ଧାଡିରେ ରହି ଲଢୁଥିବା ଯୋଦ୍ଧାମାନେ ଏବେ କୋରୋନା କବଳରେ । ଯାହା ଅତ୍ୟନ୍ତ ଚିନ୍ତାଜନକ । ରବିବାର ଦିଲ୍ଲୀ ତିଲକ ବିହାର ପୋଲିସ ପୋଷ୍ଟରେ ପୋଷ୍ଟ ହୋଇଥିବା ଜଣେ ପୋଲିସକର୍ମୀ କୋରୋନା ସଂକ୍ରମିତ ହୋଇଛନ୍ତି । ଏହାପରେ ସମସ୍ତ ପୋଲିସ କର୍ମଚାରୀଙ୍କୁ କ୍ବାରେନଣ୍ଟାଇନରେ ରହିବା ପାଇଁ କୁହାଯାଇଛି ।

ପଶ୍ଚିମ ଜିଲ୍ଲାର ବରିଷ୍ଠ ପୋଲିସ ଅଧିକାରୀଙ୍କ ଅନୁଯାୟୀ, ତିଲକ ବିହାର ପୋଲିସ ପୋଷ୍ଟରେ ପୋଷ୍ଟ ହୋଇଥିବା ଜଣେ କନଷ୍ଟେବଳ ଶନିବାର କୋଭିଡ -19 ପାଇଁ ପଜିଟିଭ ପରୀକ୍ଷା କରିଛନ୍ତି ।

ପୋଲିସ ଅଧିକାରୀ କହିଛନ୍ତି ଯେ ଶୁକ୍ରବାର ଦିନ ତିଲକ ବିହାରର DDU ଡିସପେନସାରିରେ 45 ଜଣଙ୍କ ଉପରେ ଏହି ପରୀକ୍ଷା କରାଯାଇଥିଲା, ଯେଉଁଥିରୁ କନଷ୍ଟେବଳଙ୍କ ସମେତ 18 ଜଣ ବ୍ୟକ୍ତି କୋରୋନା ସଂକ୍ରମିତ ହୋଇଥିବା ଜଣାଯାଇଥିଲା ।

ଅଧିକାରୀ କହିଛନ୍ତି ଯେ କନଷ୍ଟେବଳଙ୍କୁ ତୁରନ୍ତ ତାଙ୍କ ଘରକୁ ନଆସିବାକୁ ନିର୍ଦ୍ଦେଶ ଦେଇ ନିକଟସ୍ଥ ହୋଟେଲରେ କ୍ବାରେନଣ୍ଟାଇନକୁ ପଠାଯାଇଥିଲା । ଏପରିକି ତିଲକ ବିହାର ପୋଷ୍ଟକୁ ସାନିଟାଇଜ କରାଯାଉଛି । ଅଧିକାରୀ ଏହା ମଧ୍ୟ କହିଛନ୍ତି ଯେ ପୋଲିସ ପୋଷ୍ଟରେ ପୋଷ୍ଟ କରାଯାଇଥିବା ସମସ୍ତ କର୍ମଚାରୀଙ୍କୁ ସେଲ୍ପ ଆଇସୋଲେସନରେ ରହିବାକୁ କୁହାଯାଇଛି ।

ରବିବାର ଭାରତରେ କୋଭିଡ -19 ମାମଲାର ମୋଟ ସଂଖ୍ୟା 16,115 କୁ ବୃଦ୍ଧି ପାଇବା ସହ 519 ଜଣ ଲୋକ ଏହି ମହାମାରୀରେ ପ୍ରାଣ ହରାଇଛନ୍ତି । ଏହି ସମୟରେ, ଦିଲ୍ଲୀରେ Covid-19 ର 1,893 ମାମଲା ରେକର୍ଡ ହୋଇଛି ଯେଉଁଥିରେ 43 ଜଣ ମୃତ୍ୟୁ ଘଟିଛି ।

@IANS