ନୂଆଦିଲ୍ଲୀ: ରାଜଧାନୀ ଦିଲ୍ଲୀର କିରାଡିସ୍ଥିତ ବଲବୀର ନଗର ଫର୍ଣ୍ଣିଚର ମାର୍କେଟରେ ଅଗ୍ନିକାଣ୍ଡ । ଦୋକାନରେ କାଠର ସାମଗ୍ରୀ ଥିବାରୁ କିଛି ସମୟ ଭିତରେ ନିଆଁ ସମଗ୍ର ଦୋକାନରେ ବ୍ୟାପିଯାଇଥିଲା । ଖବରପାଇ ଦମକଳ ବାହୀନି ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା ।
ଅଗ୍ନିକାଣ୍ଡରେ ରାଜକୁମାର ନାମକ ଏକ ବ୍ୟକ୍ତି ସାମାନ୍ୟ ଆହାତ ହୋଇଛନ୍ତି । ତାଙ୍କୁ ନିକଟସ୍ଥ ସଞ୍ଜୟ ଗାନ୍ଧି ହସ୍ପିଟାଲରେ ଭର୍ତ୍ତି କରାଯାଇଛି । ଏହି ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ସାମଗ୍ରୀ ପୁରା ଜଳିପୋଡି ପାଉଁଶ ହୋଇଯାଇଛି ।
ତେବେ ଠିକ ସମୟରେ ଅଗ୍ନିଶମ ବିଭାଗ ପହଞ୍ଚିବାରୁ ଅନ୍ୟ ଦୋକାନ ଗୁଡିକ ନିଆଁରୁ ବର୍ତ୍ତିଗଲା । ତେବେ ଅତ୍ୟଧିକ ଘର ଥିବା ଅଞ୍ଚଳରେ କିପରି ଫର୍ଣ୍ଣିଚର ମାର୍କେଟ ରହିଲା ଆଉ ଏହାକୁ ବେଆଇନ ଭାବେ କିପରି ଚଲାଯାଉଛି, ସେ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି ।
