ନୂଆଦିଲ୍ଲୀ: ଦିଲ୍ଲୀ ବିଧାନସଭା ନିର୍ବାଚନର ଭୋଟ ଗଣତି ପ୍ରାୟତଃ ଶେଷ ହୋଇଛି । ୭୦ ଆସନ ବିଶିଷ୍ଟ ପୁଣିଥରେ ବଡ ବିଜୟ ହାସଲ କରିଛି କ୍ଷମତାସୀନ ଆପ । ଆଜି ସକାଳ ୮ଟାରୁ ସମସ୍ତ ୭୦ଟି ବିଧାନସଭା ଲାଗି ମୋଟ ୨୭ଟି କେନ୍ଦ୍ରରେ ଭୋଟ ଗଣତି ଆରମ୍ଭ ହୋଇଥିଲା । ବର୍ତ୍ତମାନ ସୁ୍ଦ୍ଧା ୭୦ ଆସନ ମଧ୍ୟରୁ 63 ସିଟରେ ଆପ ବିଜୟୀ ହେବା ଏକ ପ୍ରକାର ସ୍ପଷ୍ଟ । 7 ଟି ଆସନରେ ବିଜେପି ବିଜୟୀ ହୋଇଥିବା ବେଳେ କଂଗ୍ରେସ ପାର୍ଟି ତା’ର ପୂର୍ବ ରେକର୍ଡ ବଜାୟ ରହିଛି ।
ଏହି ଦିଲ୍ଲୀ ବିଧାନସଭାରେ ଅନେକ ଆଶ୍ଚର୍ଯ୍ୟକର ବିଜୟ ପରାଜୟ ଘଟିଛି । ପ୍ରଥମତଃ ଆପର ଦ୍ବିତୀୟ ନେତା ତଥା ଉପ-ମୁଖ୍ୟମନ୍ତ୍ରୀ ମନୀଷ ସିସୋଦିଆ ପ୍ରଥମ ଟ୍ରେଣ୍ଡରେ ପଛରେ ଚାଲିଥିଲେ । ତେବେ ଶେଷ ପର୍ଯ୍ୟୟାରେ ମନୀଷ ସିସୋଦିଆ ବିଜୟୀ ହୋଇଛନ୍ତି । କେଜ୍ରିୱାଲ ମଧ୍ୟ ନୂଆଦିଲ୍ଲୀ ଆସନରୁ ବଡ ବ୍ୟବଧାନରେ ବିଜୟୀ ହୋଇଛନ୍ତି । ମାଲ୍ୟବ ନଗର ଆସନରୁ ସୋମାନାଥ ଭାରତୀ ବିଜୟୀ ହୋଇଛନ୍ତି ।