ନୂଆଦିଲ୍ଲୀ: ଦାମୀ ମୋବାଇଲ୍ ଏବଂ ଅନ୍ୟାନ୍ୟ ଇଲେକ୍ଟ୍ରୋନିକ୍ସ ସାମଗ୍ରୀ ଚୋରା ଚାଲାଣ କରୁଥିବା 3 ଯାତ୍ରୀଙ୍କୁ ଗିରଫ କଲା ଅବକାରୀ ବିଭାଗ । ବୁଧବାର ଦିଲ୍ଲୀ ଆଇଜିଆଇ ବିମାନ ବନ୍ଦରରେ ଦାମୀ ମୋବାଇଲ ଏବଂ ଅନ୍ୟାନ୍ୟ ଇଲେକ୍ଟ୍ରୋନିକ୍ସ ସାମଗ୍ରୀ ଚୋରା ଚାଲାଣ କରୁଥିବା 3 ଜଣ ଯାତ୍ରୀଙ୍କୁ ଦିଲ୍ଲୀ ଅବକାରୀ ବିଭାଗ ଗିରଫ କରିଛି। ତେବେ ଏହି ତିନି ଯାତ୍ରୀ ପ୍ୟାରିସରୁ ଦିଲ୍ଲୀ ଆସିଥିଲେ।
ଦାମୀ ମୋବାଇଲ ଚୋରାଚାଲାଣ କରୁଥିବା 3 ଯାତ୍ରୀଙ୍କୁ ଗିରଫ କଲା ଅବକାରୀ ବିଭାଗ
ଅବକାରୀ ବିଭାଗର ମୁଖପାତ୍ରଙ୍କ କହିବା ଅନୁସାରେ, ଏହି ତିନି ଯାତ୍ରୀ ଗ୍ରୀନ ଚ୍ୟାନେଲ ଅତିକ୍ରମ କରିବା ସମୟରେ ଅଧିକାରୀମାନଙ୍କୁ ସେମାନଙ୍କ ଉପରେ ସନ୍ଦେହ ହୋଇଥିଲା । ତୁରନ୍ତ ଅଧିକାରୀମାନେ ସେମାନଙ୍କୁ ରୋକି ସେମାନଙ୍କ ଜିନିଷପତ୍ର ଯାଞ୍ଚ କରିଥିଲେ। ଯେଉଁଥିରେ ସେମାନଙ୍କଠାରୁ ବହୁ ଆଇଫୋନ୍, କ୍ୟାମେରା, ଆଇପ୍ୟାଡ୍ ଏବଂ ଅନ୍ୟାନ୍ୟ ଇଲେକ୍ଟ୍ରୋନିକ୍ ଜିନିଷ ଅଧିକାରୀମାନେ ଜବତ କରିଥିଲେ ।