ହରିଦ୍ବାର: 10 ତାରିଖରେ ଦିଲ୍ଲୀରେ ବିଧାନସଭା ନିର୍ବାଚନ ଅନୁଷ୍ଠିତ ହେବ । ସମସ୍ତ ରାଜନୈତିକ ଦଳ ଜୋରଦାର ଲଢେଇ ପାଇଁ ମଇଦାନରେ ଅବତୀର୍ଣ୍ଣ ହେବେ । ଦିଲ୍ଲୀର ଶାସନ ଭାର ବର୍ତ୍ତମାନ ଆମ ଆଦମୀ ମୁଖ୍ୟ ଅରବିନ୍ଦ କେଜ୍ରିୱାଲ ହାତରେ ଅଛି । କିନ୍ତୁ ବିଧାନସଭା ନିର୍ବାଚନ ପରେ ଅରବିନ୍ଦ ସରକାର ଗଢିବେ ନା ଅନ୍ୟ କୌଣସି ଦଳ ସରକାର ଗଢିବ । ଏନେଇ ଇଟିଭି ଭାରତ ପକ୍ଷରୁ ରାଜନୈତିକ ବ୍ୟକ୍ତିଙ୍କ ନକ୍ଷତ୍ର ଗ୍ରହଙ୍କ ଉପରେ ନଜର ପକାଇବା ।
ଜ୍ୟୋତିର୍ବିଦ ପ୍ରତୀକ ମିଶ୍ର ପୁରୀ ଅନୁଯାୟୀ ଅରବିନ୍ଦ କେଜ୍ରିୱାଲ 16 ଅଗଷ୍ଟ 1968 ମସିହା ରାତ୍ରରେ ଜନ୍ମ ଗ୍ରହଣ କରିଥିଲେ । ଯାହା ଅନୁସାରେ ଅରବିନ୍ଦ ଜନ୍ମ ବୃଷ ଲଗ୍ନ ଓ ମେଷ ରାଶି ହୋଇଥିବା ବେଳେ ଏହି ସମୟରେ ଗ୍ରହ ନକ୍ଷତ୍ର ଅନୁଯାୟୀ ଅରବିନ୍ଦ କେଜ୍ରିୱାଲଙ୍କ ଗୋଚର ସ୍ଥିତି ସଫଳ ରହିଛି ।ତାଙ୍କ ନବମ ସ୍ଥାନରେ ବୃହସ୍ପତି ରହିଥିବା ବେଳେ ଦଶମ ସ୍ଥାନରେ ଚନ୍ଦ୍ର ରହିଛନ୍ତି । ଯାହା ଅନୁସାରେ ଆଗାମୀ ନିର୍ବାଚନରେ ଭଲ ସଫଳତା ଆଣିଦେବ ବୋଲି ଜ୍ୟୋତିଷ କହିଛନ୍ତି ।
ଖାଲି କେଜ୍ରିୱାଲ ନୁହେଁ, ଜ୍ୟୋତିର୍ବିଦ କୁମାର ବିଶ୍ବାସ ଓ ମନୋଜ ତିୱାରୀଙ୍କ ଗ୍ରହ ନକ୍ଷତ୍ର ମଧ୍ୟ ଦେଖିଛନ୍ତି । ସେମାନଙ୍କ ଭାଗ୍ୟ ବି ଅରବିନ୍ଦ କେଜ୍ରିୱାଲଙ୍କଠୁ ବହୁତ ଶକ୍ତ ଅଛି ବୋଲି ସେ କହିଛନ୍ତି । ତେବେ ଆଉ କିଛିଦିନ ପରେ ଦିଲ୍ଲୀବାସୀ ନିର୍ବାଚନରେ କାହାକୁ ମୁଖ୍ୟମନ୍ତ୍ରୀ ଭାବରେ ଗ୍ରହଣ କରିବେ ତାହା ଦେଖିବାକୁ ବାକି ରହିଲା ।
