ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଦିଲ୍ଲୀ ବର୍ଡର ସିଲ୍ ହେବା ନେଇ ଘୋଷଣା କରିଥିଲେ । ମଙ୍ଗଳବାର ସକାଳେ ବର୍ଡର ସିଲ୍ ହେବା କାରଣରୁ ସାଧାରଣ ଜନତା ଅନେକ ଅସୁବିଧାର ସମ୍ମୁଖିନ ହୋଇଥିଲେ । ତେବେ ଦିଲ୍ଲୀ-ଗାଜିପୁର ସୀମାରେ ଯାନବାହାନ ସହଜରେ ଗତି କରୁଛି । ସୀମାନ୍ତରେ ପୋଷ୍ଟ କରିଥିବା ଦିଲ୍ଲୀ ପୋଲିସ କର୍ମଚାରୀ କହିଛନ୍ତି ଯେ ସେମାନେ ଏପର୍ଯ୍ୟନ୍ତ ସୀମା ସିଲ୍ କରିବା ପାଇଁ ଆଦେଶ ପାଇନାହାଁନ୍ତି ।
ଦିଲ୍ଲୀ-ଗୁରୁଗ୍ରାମ ସୀମାରେ ମଧ୍ୟ ସମାନ ଦୃଶ୍ୟ ଦେଖିବାକୁ ମିଳିଥିଲା । ଟ୍ରେନର ଚଳାଚଳ ଏଠାରେ ଜାରି ରହିଛି । ସୂଚନାଯୋଗ୍ୟ, ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଗତକାଲି ଦିଲ୍ଲୀ ସୀମାକୁ ସିଲ୍ କରିବାକୁ ଘୋଷଣା କରିଥିଲେ। ଆସନ୍ତା 7 ଦିନ ପାଇଁ ଦିଲ୍ଲୀର ସମସ୍ତ ସୀମା ସିଲ୍ କରାଯିବ ବୋଲି ସେ କହିଛନ୍ତି । ତେବେ ସୀମା ଏପର୍ଯ୍ୟନ୍ତ ସିଲ୍ ହୋଇନାହିଁ।