ନୂଆଦିଲ୍ଲୀ: ଗହମ ମିଲରେ 2 ଶ୍ରମିକଙ୍କ ମୃତ୍ୟୁ । ଏହି ଘଟଣାଟି ନୂଆଦିଲ୍ଲୀର ଲରେନ୍ସ ରୋଡରେ ଘଟିଛି । ତେବେ ବିଷାକ୍ତ ଗ୍ୟାସ ସଂସ୍ପର୍ଶରେ ଆସି ମିଲରେ କାମ କରୁଥିବା ଶ୍ରମିକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି ।
ଖବର ଅନୁଯାୟୀ, ମୃତ ଶ୍ରମିକ ମାନେ ମିଲ ସଫା କରିବା ଉଦ୍ଦେଶ୍ୟରେ ଟ୍ୟାଙ୍କ ଭିତରକୁ ଯାଇଥିଲେ । କିନ୍ତୁ ବହୁ ସମୟ ଧରି ଟ୍ୟାଙ୍କଟି ବନ୍ଦ ହୋଇ ରହିଥିଲା । ଯାହାଫଳରେ ଟ୍ୟାଙ୍କ ଭିତରେ ନିଶ୍ବାସ ନେବାରେ ଅସୁବିଧା ଯୋଗୁଁ ବିଷାକ୍ତ ଗ୍ୟାସ ପ୍ରଭାବରେ ସେମାନେ ପ୍ରାଣ ହରାଇଥିବା ଅଗ୍ନିଶମ ଅଧିକାରୀ ଅଶୋକ କୁମାର ଜୟସଲ କହିଛନ୍ତି ।