ନୂଆଦିଲ୍ଲୀ: ସ୍ବଦେଶୀ ହାଲୁକା ଯୁଦ୍ଧ ବିମାନ ତେଜସରେ ଉଡାଣ ଭରିଲେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ । ତେଜସର ଦୁଇଟି ସିଟ ଥିବା ଏୟାରକ୍ରଫ୍ଟରେ ବସିଲେ ରାଜନାଥ । ଏହା ଭାରତୀୟ ବାୟୁସେନାର 45ତମ ସ୍କ୍ବାଡ୍ରନର 'ଫ୍ଲାଇଂ ଡ୍ରେଗର୍ସ' ଅଂଶ । ଏହି ଏୟାରକ୍ରଫ୍ଟକୁ ହିନ୍ଦୁସ୍ତାନ ଏରୋନେଟିକ୍ସ ଲିମିଟେଡ ଓ ଏରୋନଟିକଲ ଡେଭଲପମେଣ୍ଟ ଏଜେନ୍ସି ଡିଜାଇନ କରିଛି ।
2017ରେ ବାୟୁସେନା ଏଚଏଏଲକ 83ଟି ତେଜସ ଜେଟ ତିଆରି କରିବାର ଦାୟିତ୍ବ ଦେଇଥିଲା । ଏହାର ଆନୁମାନିକ ବଜେଟ 50 କୋଟି ଥିଲା । 21 ଫେବୃଆରୀ ବେଙ୍ଗାଲୁରୁରେ ହୋଇଥିବା ଏୟାର ଶୋରେ ଡିଆରଡିଓ ଏହାକୁ ଫାଇନାଲ କ୍ଲିୟରାନ୍ସ ଜାରି କରିଥିଲା ।
ନୌସେନାରେ ସାମିଲ ପାଇଁ ଗତ ସପ୍ତାହ ତେଜସର ସଫଳ ପରୀକ୍ଷଣ ହୋଇଥିଲା । ପ୍ରତିରକ୍ଷା ଅନୁସନ୍ଧାନ ଓ ବିକାଶ ଅର୍ଗାନାଇଜେସନ ଏବଂ ଏରୋନଟିକାଲ ଡେଭଲପମେଣ୍ଟ ଏଜେନ୍ସି ଅଧିକାରୀ ଗୋଆର ତଟୀୟ ଟେଷ୍ଟ ଫାସିଲିଟିରେ ତେଜସର ଆରେଷ୍ଟେଡ ଲ୍ୟାଣ୍ଡିଂ କରାଇଥିଲେ ।