ସେନା ଦିବସରେ ଜୟପୁର ଗସ୍ତ କରିଛନ୍ତି ରାଜନାଥ ସିଂ

ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଆଜି ରାଜସ୍ଥାନର ଜୟପୁର ଗସ୍ତ କରିଛନ୍ତି । ସେନା ଦିବସ ଅବସରରେ ଭାରତୀୟ ସେନାର ଏକ କାର୍ଯ୍ୟକ୍ରମରେ ଯୋଗଦେବା ପାଇଁ ପହଞ୍ଚିଛନ୍ତି ରାଜନାଥ ।

ଜୟପୁର: ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଆଜି ରାଜସ୍ଥାନର ଜୟପୁର ଗସ୍ତ କରିଛନ୍ତି । ଦିଲ୍ଲୀରୁ ସେନାର ଏକ ବିଶେଷ ବିମାନରେ ଚିଫ ଅଫ ଡିଫେନସ ଷ୍ଟାଫ (ସିଡିଏସ) ବିପିନ ରାୱତଙ୍କ ସହ ସେ ଜୟପୁରରେ ପହଞ୍ଚିଛନ୍ତି ।

ରାଜନାଥଙ୍କୁ ରାଜ୍ୟସଭା ସାଂସଦ ଡ କିରୋଡି ଲାଲ ମିଣା, ବିଜେପି ନେତା ଅରୁଣ ଚତୁର୍ବେଦୀ ସହ ଦଳୀୟ ନେତା ସ୍ବାଗତ କରିଛନ୍ତି । ଭାରତୀୟ ସେନା ଦିବସ ଅବସରରେ ରାଜନାଥ ଓ ବିପିନ ରାୱତ ଭାରତୀୟ ଯବାନ ଓ ପୂର୍ବତନ ସେନାଅଧିକାରୀଙ୍କୁ ଭେଟିବା କାର୍ଯ୍ୟକ୍ରମ ରହିଛି । ଶଦ୍ଦ, ଶକ୍ତି ଓ କମାଣକୁ ନେଇ ବିଭିନ୍ନ କାର୍ଯ୍ୟକ୍ରମ ମାନ ଆୟୋଜନ କରାଯାଇଛି ।