ମୁମ୍ବାଇ: ଡାମନ ଠାରୁ ପ୍ରାୟ 27 କିମି ଦୂର ସମୁଦ୍ରରେ ଏକ ସନ୍ଦିଗ୍ଧ ଡଙ୍ଗା ମିଳିବା ପରେ ସ୍ଥାନୀୟ ଅଞ୍ଚଲରେ ଉତ୍ତେଜନା ପ୍ରକାଶ ପାଇଥିଲା । ଯେତେବେଳେ ଏହି ଡଙ୍ଗାକୁ ଯାଞ୍ଚ କରାଗଲା, ସେତେବେଳେ ଇରାନ ସହ ଜଡିତ କିଛି କାଗଜପତ୍ର ଏବଂ ଅନ୍ୟାନ୍ୟ ଜିନିଷ ମିଳିଥିଲା । ଏଥିସହିତ ପ୍ରାଥମିକ ଅନୁସନ୍ଧାନରୁ ଜଣାପଡିଛି ଯେ ଏହି ଡଙ୍ଗାଟି ଇରାନରୁ ଆସିଛି ।
ଡାମନରେ ମିଳିଥିବା ଡଙ୍ଗାକୁ ନେଇ ପ୍ରଥମେ ସନ୍ଦେହ ସୃଷ୍ଟି ହୋଇଥିଲା । ତେବେ କୋଷ୍ଟଗାର୍ଡ ଡଙ୍ଗାର ଅନୁସନ୍ଧାନ କରିବା ପରେ ସେଥିରେ କୌଣସି ସନ୍ଦେହଜନକ ତଥ୍ୟ ମିଳିନଥିଲା । ଡଙ୍ଗାଟି ଇରାନରୁ ଆସିଛି ଏବଂ ଏହି ଡଙ୍ଗାରେ ଇରାନ ସମ୍ବନ୍ଧୀୟ କିଛି କାଗଜପତ୍ର ଥିବାରୁ ସ୍ଥାନୀୟ ଲୋକେ ଆଶ୍ବସ୍ତ ହୋଇଥିଲେ । ଯେହେତୁ ଡଙ୍ଗାରୁ ଅନ୍ୟ କୌଣସି ତଥ୍ୟ ନଥିଲା, ତେଣୁ ଡଙ୍ଗାକୁ ଅନ୍ୟକୌଣସି ବିଷୟ ସହ ଲିଙ୍କ କରାଗଲା ନାହିଁ । ବର୍ତ୍ତମାନ ଏହି ଡଙ୍ଗାକୁ ଜବତ କରି ତଦନ୍ତ ଜାରି ରଖିଛି ପୋଲିସ ।