କେଜ୍ରିଓ୍ବାଲଙ୍କୁ ଶୁଭେଚ୍ଛା ଜଣାଇଲେ ଧର୍ମଗୁରୁ ଦଲାଇଲାମା

ଦିଲ୍ଲୀ ବିଧାନସଭା ନିର୍ବାଚନରେ 70ରୁ 62ଟି ଆସନ କବଜା କରି ଆପ ଜବରଦସ୍ତ ବିଜୟ ହାସିଲ କରିଛି । ଯାହାକୁ ନେଇ କେଜ୍ରିଓ୍ବାଲଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟୁଛି । ଅଧିକ ପଢନ୍ତୁ...

ନୂଆଦିଲ୍ଲୀ: ଦିଲ୍ଲୀ ବିଧାନସଭା ନିର୍ବାଚନରେ ଐତିହାସିକ ବିଜୟ ହାସଲ କରିବା ପରେ ଆପ ମୁଖ୍ୟ ଅରବିନ୍ଦ କେଜ୍ରିଓ୍ବାଲଙ୍କୁ ଛୁଟୁଛି ଶୁଭେଚ୍ଛାର ସୁଅ । ତେବେ ବୌଦ୍ଧ ଧର୍ମଗୁରୁ ଦଲାଇଲାମା ମଧ୍ୟ କେଜ୍ରିଓ୍ବାଲଙ୍କୁ ଟ୍ବିଟ କରି ଶୁଭେଚ୍ଛା ଜଣାଇଛନ୍ତି । ସେ କହିଛନ୍ତି ଭାରତର ରାଜଧାନୀ ବାସୀଙ୍କୁ ତାଙ୍କ ନେତୃତ୍ବରେ ଲାଭ ମିଳୁ।

କେଜରିଓ୍ବାଲଙ୍କୁ ଶୁଭେଚ୍ଛା ଜଣାଇଲେ ଧର୍ମଗୁରୁ ଦଲାଇ ଲାମା

ଏହାସହ ଦିଲ୍ଲୀର ସରକାରୀ ସ୍କୁଲରେ 'ହାପିନେସ୍' ପାଠ୍ୟକ୍ରମର ଉଲ୍ଲେଖ କରି ଦଲାଇଲାମା କହିଛନ୍ତି, ମନୁଷ୍ୟକୁ ପ୍ରସନ୍ନ ଓ ଅତ୍ୟଧିକ ମୂଲ୍ୟବାନ କରିବା ଦିଗରେ ଆପ ସରକାର ଦ୍ବାରା କରାଯାଇଥିବା ଏହି ପ୍ରଚେଷ୍ଟାକୁ ମୁଁ ପ୍ରଶଂସା କରୁଛି ।

ଦଲାଇଲାମାଙ୍କ ଟ୍ବିଟର ପ୍ରତିକ୍ରିୟାରେ କେଜ୍ରିଓ୍ବାଲ ବୁଧବାର ଟ୍ବିଟ କରି ଦଲାଇଲାମାଙ୍କୁ ଧନ୍ୟବାଦ ଜଣାଇଛନ୍ତି । ସେ କହିଛନ୍ତି, ପରମପୂଜ୍ୟ ଦଲାଇଲାମାଙ୍କ ଶବ୍ଦ ଓ ଆଶୀର୍ବାଦର ମୁଁ କୃତଜ୍ଞ ଅଟେ।