ବାତ୍ୟା ‘ନିସର୍ଗ’ ପାଇଁ ମୁମ୍ବାଇରେ 144 ଧାରା ଜାରି

ବାତ୍ୟା ‘ନିସର୍ଗ’କୁ ଦୃଷ୍ଟିରେ ରଖି ମୁମ୍ବାଇ ପୋଲିସ ବୁଧବାର ମଧ୍ୟରାତ୍ରରୁ ଗୁରୁବାର ଅପରାହ୍ନ ପର୍ଯ୍ୟନ୍ତ ସହରରେ 144 ଧାରା ଜାରି କରିଛନ୍ତି।

ମୁମ୍ବାଇ: ମୁମ୍ବାଇରେ 144 ଧାରା ଜାରି । ବାତ୍ୟା ‘ନିସର୍ଗ’କୁ ଦୃଷ୍ଟିରେ ରଖି ମୁମ୍ବାଇ ପୋଲିସ ବୁଧବାର ମଧ୍ୟରାତ୍ରରୁ ଗୁରୁବାର ଅପରାହ୍ନ ପର୍ଯ୍ୟନ୍ତ ସହରରେ 144 ଧାରା ଜାରି କରିଛନ୍ତି।

ବେଳାଭୂମି, ପାର୍କ ଏବଂ ରିଜର୍ଟ ଭଳି ସ୍ଥାନ ପରିଦର୍ଶନ କରିବାକୁ ପୋଲିସ ଲୋକମାନଙ୍କୁ ପ୍ରତିବନ୍ଧକ ଲଗାଇଛନ୍ତି । ଭାରତ ପାଣିପାଗ ବିଭାଗ (ଆଇଏମଡି) ଅନୁଯାୟୀ, ବାତ୍ୟା ନିସର୍ଗ ବୁଧବାର ଦିନ 11 ଟାରୁ ସନ୍ଧ୍ୟା 7 ଟା ମଧ୍ୟରେ ସହରକୁ ପ୍ରଭାବିତ କରିବ।

ସତର୍କତା ଅନୁଯାୟୀ ବୁଧବାର କେନ୍ଦ୍ରୀୟ ରେଳ ରାଜ୍ୟ ରାଜଧାନୀକୁ ଆସୁଥିବା ବହୁ ସ୍ୱତନ୍ତ୍ର ଟ୍ରେନକୁ ବାତିଲ କରିଛନ୍ତି । ଗୋରଖପୁର, ଦାରବଙ୍ଗା, ବାରାଣାସୀ ଏବଂ ଅନ୍ୟାନ୍ୟ ସ୍ଥାନ ପାଇଁ ଟ୍ରେନର ସମୟ ବଦଳାଯାଇଛି । ସେହିପରି ବୁଧବାର ମୁମ୍ବାଇକୁ ଆସୁଥିବା କିଛି ସ୍ୱତନ୍ତ୍ର ଟ୍ରେନ୍ ମଧ୍ୟ ରେଳ କର୍ତ୍ତୃପକ୍ଷଙ୍କ ଦ୍ବାରା ନିୟନ୍ତ୍ରିତ କରାଯାଇଛି ।