ବାତ୍ୟା ବୁଲବୁଲ ପାଇଁ ପଶ୍ଚିମବଙ୍ଗରେ 23,811 କୋଟି ଟଙ୍କାର କ୍ଷୟକ୍ଷତି

ସାମୁଦ୍ରିକ ଝଡ ‘ବୁଲବୁଲ’ର ତାଣ୍ଡବ ଯୋଗୁଁ ପଶ୍ଚିମବଙ୍ଗରେ 23 ହଜାର 811 କୋଟିର କ୍ଷୟକ୍ଷତି ହୋଇଥିବା ବେଳେ 5 ଲକ୍ଷ ଘର ନଷ୍ଟ ହୋଇଥିବା କେନ୍ଦ୍ରୀୟ ଟିମ୍ ରିପୋର୍ଟ ଦେଇଛି।

କୋଲକାତା: ପଶ୍ଚିମବଙ୍ଗରେ ତାଣ୍ଡବ ରଚାଇଥିଲା ସାମୁଦ୍ରିକ ଝଡ ‘ବୁଲବୁଲ’। ଏହି ସାମୁଦ୍ରିକ ବାତ୍ୟା ଯୋଗୁଁ ହୋଇଥିବା କ୍ଷୟକ୍ଷତି ରିପୋର୍ଟ ପ୍ରକାଶ ପାଇଛି । ବାତ୍ୟାରେ ରାଜ୍ୟରେ 23 ହଜାର 811 କୋଟିର କ୍ଷୟକ୍ଷତି ହୋଇଥିବା କେନ୍ଦ୍ରୀୟ ଟିମ୍ ରିପୋର୍ଟ ଦେଇଛି ।

ଏଥିରେ 3ଟି ଜିଲ୍ଲାରେ 35ଲକ୍ଷ ଲୋକ ପ୍ରଭାବିତ ହୋଇଛି । ସଚିବାଳୟରେ ଆୟୋଜିତ ବୈଠକରେ କେନ୍ଦ୍ରୀୟ ଦଳ ପଶ୍ଚିମବଙ୍ଗ ମୁଖ୍ୟ ଶାସନ ସଚିବଙ୍କୁ ଏହି ରିପୋର୍ଟ ପ୍ରଦାନ କରିଥିଲେ । ଏହା ପୂର୍ବରୁ ଓଡିଶାର କ୍ଷତିଗ୍ରସ୍ତ ଅଞ୍ଚଳ ଓ ପଶ୍ଚିମବଙ୍ଗର ବାତ୍ୟା ଦ୍ବାରା କ୍ଷତିଗ୍ରସ୍ତ ଅଞ୍ଚଳ ପରିଦର୍ଶନ କରିଥିଲେ। ଏହି ରିପୋର୍ଟ ଅନୁସାରେ, ବାତ୍ୟା ‘ବୁଲବୁଲ’ ଯୋଗୁଁ 23 ହଜାର 811 କୋଟି କ୍ଷତି ହୋଇଥିବା ବେଳେ 35ଲକ୍ଷ ଲୋକ ପ୍ରଭାବିତ ହୋଇଛନ୍ତି ।ସେହିପରି 5,17,535 ଘର ନଷ୍ଟ ହୋଇଛି।