ରାଞ୍ଚି: ଡିଜିଟାଲ ହେଉଛି ଦେଶ । ସାରା ଦେଶର ସିଷ୍ଟମକୁ ଡିଜିଟାଲ କରିବା ପାଇଁ ଯୁବପିଢି ଆଗେଇ ଆସୁଥିବା ବେଳେ ପଶ୍ଚିମବଙ୍ଗର ଶୁଭମ ସାବ ନାମକ ଏକ ଯୁବକ ଅନ୍ୟମାନଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି । ରେଳ ଷ୍ଟେସନରେ କୁଲି ପାଇଁ ନାନା ଅସୁବିଧା ଉପୁଜୁଥିବା ବେଳେ ଏଡାକୁ ଏଡାଇବା ପାଇଁ ସେ ପ୍ରସ୍ତୁତ କରିଛନ୍ତି ଏକ ଆପ୍ ।
ଏହି ଆପ୍ର ନା ରଖିଯାଇଛି ‘କଷ୍ଟମର ଲଗେଜ ଆପ୍’ । ଟ୍ରେନରେ ଯାତ୍ରା କରିବା ବେଳେ ସାଧାରଣତଃ କୁଲିର ଆବଶ୍ୟକତା ପଡିଥାଏ । ବୟସ୍କ ଲୋକ ହୁଅନ୍ତୁ ଅବା ମହିଳା ଜିନିଷପତ୍ର ନେବା ଆଣିବା ପାଇଁ କୁଲିକୁ ଖୋଜିଥାନ୍ତି । ଏହି ସମସ୍ୟାକୁ ଏଡାଇବା ପାଇଁ ଶୁଭମ ପ୍ରସ୍ତୁତ କରିଛନ୍ତି ଏହି ଆପ୍ । ଏହା ଦ୍ବାରା ଆପଣ କୁଲି ବୁକ୍ କରି ପାରିବେ । ଆପଣଙ୍କୁ ଆଉ କୁଲି ପାଇଁ ଚିନ୍ତିତ ହେବାକୁ ପଡିବନି । ତେବେ ଶୁଭମଙ୍କ ଏହି ପ୍ରୟାସକୁ ବେଶ୍ ପ୍ରଶଂସା କରିଛନ୍ତି ରେଳ ମନ୍ତ୍ରୀ ପୀୟୂଷ ଗୋଏଲ ।
