ସିଆରପିଏଫ ଯବାନଙ୍କୁ ସହକର୍ମୀଙ୍କ ହତ୍ୟା

ଜଣେ ସିଆରପିଏଫ ଯବାନଙ୍କୁ ତାଙ୍କ ସହକର୍ମୀ ଗୁଳି କରି ହତ୍ୟା କରିଛନ୍ତି । ଚେନ୍ନାଇର ଆଭାଡିର ହେଭି ଭେହିକିଲ ଫ୍ୟାକ୍ଟ୍ରିରେ ଏହି ଘଟଣା ଦେଖିବାକୁ ମିଳିଛି ।

ଚେନ୍ନାଇ: ଜଣେ ସିଆରପିଏଫ ଯବାନଙ୍କୁ ତାଙ୍କ ସହକର୍ମୀ ଗୁଳି କରି ହତ୍ୟା କରିଛନ୍ତି । ଏଭଳି ଘଟଣା ଦେଖିବାକୁ ମିଳିଛି ଚେନ୍ନାଇର ଆଭାଡିର ହେଭି ଭେହିକିଲ ଫ୍ୟାକ୍ଟ୍ରିରେ।

ଗତକାଲି ନାଇଟ ସିଫ୍ଟ ଶେଷ ହେବାପରେ ସିଆରପିଏଫ ଯବାନ ଗିରିଜା କୁମାରଙ୍କ ଉପରକୁ ତାଙ୍କ ସହକର୍ମୀ ନୀଳାମ୍ବର ସିହ୍ନା ଗୁଳି ଚଳାଇଥିଲେ । ଫଳରେ ଗିରିଜା ସେଠାରେ ଟଳି ପଡିଥିଲେ । ଗିରିଜାଙ୍କ ଶରୀରରେ 6ଟି ଗୁଳି ବାଜିଥିବା ଜଣାପଡିଛି ।

କାମ ଚାପରେ ନୀଳାମ୍ବର ସିହ୍ନା ମାନସିକ ଅସୁସ୍ଥ ରହିଥିବା ପୋଲିସ କହିଛି । ସେ ଏପରି କାମ କରି ଥାଇପାରନ୍ତି ବୋଲି ପୋଲିସ ଅନୁମାନ କରୁଛି । ମୃତ ଗିରିଜା କୁମାରଙ୍କ ଘର ହିମାଚଳ ପ୍ରଦେଶ ହୋଇଥିବା ବେଳେ ହତ୍ୟାକାରୀ ନୀଳାମ୍ବରର ଘର ତ୍ରିପୁରା ବୋଲି ଜଣାପଡିଛି ।