ଜାମ୍ମୁ: ଜମି ଅଧିଗ୍ରହଣ ସମ୍ପର୍କରେ ଜମ୍ମୁ କାଶ୍ମୀର ପ୍ରଶାସନ ଏକ ଗୁରୁତ୍ବପୂର୍ଣ୍ଣ ଆଦେଶ ପ୍ରତ୍ୟାହାର କରି ନେଇଛନ୍ତି । ବର୍ତ୍ତମାନ ଜମ୍ମୁ କାଶ୍ମୀରରେ ସେନା, ସେଣ୍ଟ୍ରାଲ ରିଜର୍ଭ ପୋଲିସ ଫୋର୍ସ (CRPF), ସୀମା ସୁରକ୍ଷା ବଳ (ବିଏସଏଫ) ଜମି ନେବା ପାଇଁ NOC ନେବାକୁ ପଡିବ ନାହିଁ ।
ଜମ୍ମୁ କାଶ୍ମୀରରେ ଜମି ଅଧିଗ୍ରହଣ କରିପାରିବ ଭାରତୀୟ ସେନା, ଦରକାର ପଡିବନି NOC - crpf and bsf do not need NOC
ଜମି ଅଧିଗ୍ରହଣ ସମ୍ପର୍କରେ ଜମ୍ମୁ କାଶ୍ମୀର ପ୍ରଶାସନ ଏକ ଗୁରୁତ୍ବପୂର୍ଣ୍ଣ ଆଦେଶ ପ୍ରତ୍ୟାହାର କରି ନେଇଛନ୍ତି । ଜମି ଅଧିଗ୍ରହଣ, ପୁନର୍ବାସ ଓ ପୁନଃବିସ୍ଥାପନ ଅଧିନିୟମ, 2013 ଅନୁଯାୟୀ ଜମି ଗ୍ରହଣ କରିପାରିବେ ଭାରତୀୟ ସେନା ।
ହଜରେ ଜମି ଅଧିଗ୍ରହଣ କରିପାରିବ ଭାରତୀୟ ସେନା
1971 ସର୍କୁଲାର ଅନୁଯାୟୀ ସେନା, ବିଏସ୍ଏଫ୍, CRPF ଇତ୍ୟାଦି ସଶସ୍ତ୍ର ବାହିନୀକୁ କୌଣସି ସ୍ଥାନରେ ଜମି ନେବା ପାଇଁ ଜମ୍ମୁ କାଶ୍ମୀରର ଗୃହ ବିଭାଗରୁ ନୋ ଅବଜେକସନ୍ ସର୍ଟିଫିକେଟ୍ (NOC) ପାଇବା ଆବଶ୍ୟକ ଥିଲା । ବର୍ତ୍ତମାନ ଏହି ସର୍କୁଲାର ପ୍ରତ୍ୟାହାର କରାଯାଇଛି । ଜମ୍ମୁ-କାଶ୍ମୀର ବର୍ତ୍ତମାନ କେନ୍ଦ୍ରଶାସିତ ଅଞ୍ଚଳ । କେନ୍ଦ୍ର ସରକାରଙ୍କ ହସ୍ତକ୍ଷେପ ପରେ ଜମି ଅଧିଗ୍ରହଣ, ପୁନର୍ବାସ ଓ ପୁନଃବିସ୍ଥାପନ ଅଧିନିୟମ, 2013 ଅନୁଯାୟୀ ଜମି ଗ୍ରହଣ କରିପାରିବେ । ରାଜସ୍ବ ବିଭାଗ ଦ୍ବାରା ଜାରି କରାଯାଇଥିବା ଏକ ବିବୃତ୍ତିରେ ଏହା ଦର୍ଶାଯାଇଛି ।
ବର୍ତ୍ତମାନ ନୂତନ ନିୟମ ଅନୁଯାୟୀ ପ୍ରତ୍ୟେକ ଜିଲ୍ଲାର ଜିଲ୍ଲାପାଳଙ୍କୁ ଜମି ଅଧିଗ୍ରହଣ ପ୍ରକ୍ରିୟା ଜାରି କରିବାକୁ ନିର୍ଦ୍ଦେଶ ଦିଆଯାଇଛି। ନୌସେନା, ସାମରିକ, ବାୟୁସେନା ଓ ସଶସ୍ତ୍ର ବାହିନୀକୁ ରଣନୀତିକ କାର୍ଯ୍ୟ ପାଇଁ ଜମି ଅଧିଗ୍ରହଣ କରିବାକୁ ଅନୁମତି ଦିଆଯିବ । କେନ୍ଦ୍ରୀୟ ପାରାମିଲିଟାରୀ ଫୋର୍ସ ଓ ଆଞ୍ଚଳିକ ପୋଲିସ ଜାତୀୟ ସୁରକ୍ଷା ତଥା ଲୋକଙ୍କ ସୁରକ୍ଷା ପାଇଁ ଜମି ଦଖଲ କରିପାରିବେ ।