ନୂଆଦିଲ୍ଲୀ: ଦୀପାବଳି ଓ ଛଠ ପୂଜା ପାଇଁ ରେଳ ଷ୍ଟେସନ ଗୁଡିକରେ ବହୁଳ ମାତ୍ରାରେ ଭିଡ ଦେଖିବାକୁ ମିଳିଛି । ପୂର୍ବ-ଉତ୍ତର ଅଭିମୁଖେ ଯାଉଥିବା ଗାଡି ଆନ୍ଦବିହାର ଷ୍ଟେସନ ସବୁଠାରୁ ଭିଡପ୍ରବଣ ସ୍ଥାନ ଅଟେ । ତେଣୁ ପ୍ରତ୍ୟେକବର୍ଷ ପରି ଚଳିତବର୍ଷ ମଧ୍ୟ ଯାତ୍ରୀଙ୍କ ସୁରକ୍ଷା ଓ ସୁବିଧା ପାଇଁ ସମସ୍ତ ବନ୍ଦୋବସ୍ତ କରାଯାଇଛି । ଷ୍ଟେସନରେ ବର୍ତ୍ତମାନ 400ରୁ ଉର୍ଦ୍ଧ୍ବ ଜବାନ ଯାତ୍ରୀଙ୍କ ସାହାର୍ଯ୍ୟ ଓ ସୁରକ୍ଷା ପାଇଁ ନିୟୋଜିତ ହୋଇଛନ୍ତି ।
ଆନନ୍ଦ ବିହାର ରେଳ ଷ୍ଟେସନରେ ପ୍ରତିଦିନ 1 ଲକ୍ଷ ଯାତ୍ରୀଙ୍କ ଆଗମନ ହେଉଛି । ସୂଚନାମୁତାବକ, ଆନନ୍ଦ ବିହାର ଷ୍ଟେସନରୁ ପ୍ରତ୍ୟେକଦିନ ରୁଟିନ ଗାଡି ଓ ସପ୍ତାହରେ 20ଟି ସ୍ପେସାଲ ଗାଡି ଯାତ୍ରା କରୁଛି । ଦୀପାବଳି ଅବସରରେ ଯାତ୍ରୀଙ୍କ ସଂଖ୍ୟା ସାମାନ୍ୟ ବୃଦ୍ଧି ପାଇଥିବା ବେଳେ ଛଠ ପୂଜା ଅବସରରେ ଏହାର 2 ଗୁଣା ବୃଦ୍ଧି ପାଇବ ।