ନୂଆଦିଲ୍ଲୀ: ଦେଶରେ ପ୍ରତିଦିନ କୋରୋନା ସଂକ୍ରମଣ ରିପୋର୍ଟ ରେକର୍ଡ ଭାବରେ ବୃଦ୍ଧି ପାଇବାରେ ଲାଗିଛି । ଏପରିସ୍ଥଳେ କେନ୍ଦ୍ର ସରକାରଙ୍କ କୋରୋନା ଆରୋଗ୍ୟ ହାର ରିପୋର୍ଟ ଆଶ୍ବସ୍ତି ପ୍ରଦାନ କରିଛି । କେନ୍ଦ୍ର ସରକାର କହିଛନ୍ତି ଯେ, ଦେଶରେ କୋଭିଡ-19ରେ ଆରୋଗ୍ୟଲାଭ ହାର 51.07 ପ୍ରତିଶତରେ ପହଞ୍ଚିଛି । ଦେଶରେ ମୋଟ ଏକ ଲକ୍ଷ 69 ହଜାର 798 ଲୋକ ଆରୋଗ୍ୟ ଲାଭ କରିଛନ୍ତି । ଗତ 24 ଘଣ୍ଟା ମଧ୍ୟରେ 7 ହଜାର 419 ଲୋକ ସୁସ୍ଥ ହୋଇଛନ୍ତି । ଦେଶରେ ମୋଟ ସକ୍ରିୟ କୋରୋନା ମାମଲା 1 ଲକ୍ଷ 53 ହଜାର 106 ରହିଛି ।
ସ୍ବାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ କହିଛି ଯେ, ଗତ 24 ଘଣ୍ଟା ମଧ୍ୟରେ 11ହଜାର 502 ନୂତନ ମାମଲା କୋଭିଡ -19 ର ରିପୋର୍ଟ ହୋଇଛି । ଯାହା ଦେଶରେ ମୋଟ ମାମଲାକୁ ତିନି ଲକ୍ଷ 32 ହଜାର 424ରେ ପହଞ୍ଚାଇଛି । ଏହାସହ ଗତ 24 ଘଣ୍ଟା ମଧ୍ୟରେ 325 ଜଣଙ୍କର ମୃତ୍ୟୁ ରେକର୍ଡ କରାଯାଇଛି। ଯାହା ସାରା ଦେଶରେ ମୋଟ ମୃତ୍ୟୁ ସଂଖ୍ୟା 9 ହଜାର 520 । ଦେଶରେ ମୃତ୍ୟୁ ହାର 2.86 ପ୍ରତିଶତ ରହିଛି ।