ହାଇଦ୍ରାବାଦ: ବର୍ମିଂହାମ ଏବଂ ଅକ୍ସଫୋର୍ଡ ବିଶ୍ବବିଦ୍ୟାଳୟ କୋଭିଡ-19 ସହିତ ଡାକ୍ତରଖାନାରେ ଚିକିତ୍ସିତ ହେଉଥିବା କର୍କଟ ରୋଗୀଙ୍କ ମୃତ୍ୟୁ ହାର ଜାଣିବା ପାଇଁ ଏକ ଅଧ୍ୟୟନ କରିଛନ୍ତି।
ବ୍ରିଟେନର କୋରୋନା ଭାଇରସ କ୍ୟାନସର ମନିଟରିଂ ପ୍ରୋଜେକ୍ଟ (UKCCMP)ର ଏକ କମିଟି ଏହି ଅଧ୍ୟୟନର ନେତୃତ୍ବ ନେଇଥିଲା ଯାହା ମାର୍ଚ୍ଚରେ ଆରମ୍ଭ ହୋଇଥିଲା ଏବଂ କୋଭିଡ-19 ରୋଗରେ ଆକ୍ରାନ୍ତ ବ୍ରିଟେନର କର୍କଟ ରୋଗୀଙ୍କ ବିଷୟରେ ତଥ୍ୟ ସଂଗ୍ରହ କରିଥିଲା।
କେମୋଥେରାପି କିମ୍ବା ଅନ୍ୟାନ୍ୟ ସକ୍ରିୟ କର୍କଟ ଚିକିତ୍ସା ଯେପରିକି ରେଡିଓଥେରାପି, ଇମ୍ୟୁନୋଥେରାପି କିମ୍ବା ହରମୋନାଲ ଥେରାପି କର୍କଟ ରୋଗୀଙ୍କ ମଧ୍ୟରେ ମୃତ୍ୟୁ ହାର ଉପରେ କି ପ୍ରଭାବ ପକାଇଲା ତାହାର ମୂଲ୍ୟାଙ୍କନ ପାଇଁ ଏହି ପ୍ରକଳ୍ପ ପ୍ରତିଷ୍ଠା କରାଯାଇଥିଲା।
ପ୍ରତ୍ୟେକ ଅଂଶଗ୍ରହଣକାରୀ କେନ୍ଦ୍ରର ସ୍ଥାନୀୟ କ୍ଲିନିକାଲ୍ସ ମାନେ ଇନପୁଟ୍ ହୋଇଥିବା ରୋଗୀଙ୍କ କ୍ଲିନିକାଲ୍ ଫଳାଫଳ ବିଷୟରେ ଜଣାଇଲେ, ସେମାନେ ମରିଗଲେ କିମ୍ବା ଡିସଚାର୍ଜ ହୋଇଥିଲେ ଏବଂ ଅନ୍ୟାନ୍ୟ ଗୁରୁତ୍ବପୂର୍ଣ୍ଣ ବିପଦ କାରଣଗୁଡିକ ଯେପରିକି ବୟସ, ଲିଙ୍ଗ ଏବଂ କୋମର୍ବିଡିଟିର ଉପସ୍ଥିତି ବିଷୟରେ ବିସ୍ତୃତ ବିବରଣୀ ଦେଇଥିଲେ ।
ପ୍ରଥମ 800 କୋଭିଡ-19 ପଜିଟିଭ କର୍କଟ ରୋଗୀଙ୍କ ଫଳାଫଳକୁ ବିଶ୍ଳେଷଣ କରି ବ୍ରିଟେନରେ 55ଟି କର୍କଟ କେନ୍ଦ୍ର UKCCMPରେ ରିପୋର୍ଟ କରିଥିଲା ।
ଫଳାଫଳଗୁଡିକରେ 800 ମଧ୍ୟରୁ 169ଟି କର୍କଟ ବ୍ୟତୀତ ଅନ୍ୟ କୌଣସି ଅସୁବିଧା ନଥିବା ଜଣାଯାଇଛି । ଅବଶିଷ୍ଟ 631 ରୋଗୀଙ୍କ ମଧ୍ୟରେ ଉଚ୍ଚ ରକ୍ତଚାପ, ମଧୁମେହ, ହୃଦ୍ରୋଗ ଏବଂ କ୍ରୋନିକ ଅବଷ୍ଟ୍ରକ୍ଟିଭ ଫୁସଫୁସ ରୋଗ ଅନ୍ତର୍ଭୁକ୍ତ ।
ବର୍ମିଂହାମ ଇନଷ୍ଟିଚ୍ୟୁଟ୍ ଅଫ୍ କ୍ୟାନସର ଏବଂ ଜେନୋମିକ୍ ସାଇନ୍ସ ୟୁନିଭରସିଟିର ମେଡିକାଲ୍ ଅଙ୍କୋଲୋଜି କ୍ଲିନିକାଲ୍ ଏକାଡେମିକ୍ ଯୁଗ୍ମ-ମୁଖ୍ୟ ଲେଖକ ଡକ୍ଟର ଲେନାର୍ଡ ଲି’ଙ୍କ ଅନୁଯାୟୀ, ଏହି ପ୍ରୋଜେକ୍ଟ ବ୍ରିଟେନର ଅଙ୍କୋଲୋଜି ସମ୍ପ୍ରଦାୟ ଦ୍ବାରା କ’ଣ ହାସଲ କରାଯାଇପାରିବ ତାହା ବୁଝିବାରେ ସାହାଯ୍ୟ କରିବ। ବର୍ତ୍ତମାନ ଏବଂ ଯେକୌଣସି ସମ୍ଭାବ୍ୟ ମହାମାରୀ ପର୍ଯ୍ୟାୟରେ କର୍କଟ ରୋଗୀଙ୍କ ପାଇଁ ବିପଦକୁ ଚିହ୍ନଟ ତଥା ହ୍ରାସ କରିବାକୁ ସକ୍ଷମ ଉପକରଣ ଯୋଗାଇବାରେ UKCCMPର ପ୍ରକଳ୍ପଗୁଡିକ ଗୁରୁତ୍ବପୂର୍ଣ୍ଣ ହେବ । ଏହା ନିଶ୍ଚିତ କରିବ ଯେ ବ୍ରିଟେନରେ ଯେପରି ସର୍ବୋଚ୍ଚ ସ୍ତରର କର୍କଟ ଚିକିତ୍ସା ଯୋଗାଇ ଦିଆଯାଏ ।
