ଦେଶର 24 ଘଣ୍ଟାରେ 4213 କୋରୋନା ପଜିଟିଭ, 67 ହଜାର ଟପିଲା ପଜିଟିଭ ସଂଖ୍ୟା

10:30 May 11

ଦେଶର 24 ଘଣ୍ଟାରେ 4213 କୋରୋନା ପଜିଟିଭ, 67 ହଜାର ଟପିଲା ପଜିଟିଭ ସଂଖ୍ୟା

ଦେଶର 24 ଘଣ୍ଟାରେ 4213 କୋରୋନା ପଜିଟିଭ, 67 ହଜାର ଟପିଲା ପଜିଟିଭ ସଂଖ୍ୟା

ନୂଆଦିଲ୍ଲୀ: ଦେଶରେ ଗତ 24 ଘଣ୍ଟା ମଧ୍ୟରେ 4213  କୋରୋନା ପଜିଟିଭ ଚିହ୍ନଟ କରାଯାଇଛି । ଫଳରେ ଦେଶର ମୋଟ ପଜିଟିଭ ସଂଖ୍ୟା 67152କୁ ବୃଦ୍ଧି ପାଇଥିବା ବେଳେ ମୃତ୍ୟୁ ସଂଖ୍ୟା 2206ରେ ପହଞ୍ଚିଛି ।  

ସେହିପରି ବର୍ତ୍ତମାନ ସୁଦ୍ଧା  44029 ଜଣ ଚିକିତ୍ସିତ ହେଉଥିବା ବେଳେ 20917 ଜଣ ସୁସ୍ଥ ହୋଇଥିବା ଜଣାପଡିଛି । ଏନେଇ କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ କୁହାଯାଇଛି ।

ମହାରାଷ୍ଟ୍ରରେ ସର୍ବାଧିକ 22171 ଜଣ କୋରୋନା ପଜିଟିଭ ଚିହ୍ନଟ କରାଯାଇଥିବା  ବେଳେ ଗୁଜୁରାଟରେ 8194 , ଦିଲ୍ଲୀରେ 6923  , ତାମିଲନାଡୁରେ 7204, ରାଜସ୍ଥାନରେ 3814 , ମଧ୍ୟପ୍ରଦେଶରେ 3614, ଉତ୍ତରପ୍ରଦେଶରେ 3467 , ଆନ୍ଧ୍ରପ୍ରଦେଶରେ 1980,  ତେଲେଙ୍ଗାନା 1196, କର୍ଣ୍ଣାଟକରେ  848, କେରଳରେ 512 ଓ ଓଡିଶାରେ 391 ରହିଛି ।

ସେହିପରି ମହାରାଷ୍ଟ୍ରରେ ସର୍ବାଧିକ ଲୋକଙ୍କ ମୃତ୍ୟୁ ଘଟିଥିବା ଜଣାପଡିଛି । ମହାରାଷ୍ଟ୍ରରେ 832 ଜଣଙ୍କ ମୃତ୍ୟୁ ଘଟିଥିବା ବେଳେ ଗୁଜୁରାଟରେ 493, ମଧ୍ୟପ୍ରଦେଶରେ 215, ଦିଲ୍ଲୀରେ 73, ଆନ୍ଧ୍ରପ୍ରଦେଶରେ 44, ତାମିଲନାଡୁରେ 45, କର୍ଣ୍ଣାଟକରେ 31 ଓ ତେଲେଙ୍ଗାନାରେ 30 ଜଣଙ୍କ ମୃତ୍ୟୁ ହୋଇଛି ।