ହାଇଦ୍ରାବାଦ୍: କୋରୋନା ଯୁଦ୍ଧରେ ଲଢିବା ପାଇଁ ଆଣ୍ଟି-ଭାଇରାଲ୍ ଔଷଧ ରେମଡେସିଭର ସଞ୍ଜୀବନି ସ୍ବରୂପ ବୋଲି କୁହାଯାଉଛି। ଏହି ଔଷଧର ତୃତୀୟ ପର୍ଯ୍ୟାୟ କ୍ଲିନିକାଲ ଟ୍ରାଏଲ ସରିବା ପରେ, ବର୍ତ୍ତମାନ ଏହା ଉପରେ ଗବେଷଣା କରାଯାଉଛି। ଆମେରିକାର ଏଫଡିଏ ଏବଂ ଖାଦ୍ୟ ଏବଂ ଔଷଧ ବିତରଣ ସଂସ୍ଥା ଏହାକୁ କୋରୋନା ମହାମାରୀର ଚିକିତ୍ସା ପାଇଁ ଜରୁରୀକାଳୀନ ପରିସ୍ଥିତିରେ ବ୍ୟବହାର କରିବାକୁ ଅନୁମତି ଦେଇଛି।
ବର୍ତ୍ତମାନ ଆମେରିକାର ସ୍ଥିତି ବିଗୁଡୁଥିବା ବେଳେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏହି ଔଷଧକୁ ସଞ୍ଜୀବନି ସ୍ବରୂପ ନେବା ସହ ଚିକିତ୍ସା କ୍ଷେତ୍ରରେ ପ୍ରୟୋଗ କରିବାକୁ ଅନେକ ଆଶା ପୋଷଣ କରିଛନ୍ତି। ତେବେ ଏଠି ପ୍ରଶ୍ନ ଉଠୁଛି ରେମଡେସିଭର ଔଷଧ କୋରୋନା ବିପକ୍ଷରେ ସଞ୍ଜିବନୀ' ବୋଲି ପ୍ରମାଣିତ ହୋଇପାରିବ କି !
ସୂଚନା ଥାଉକି, ଇବୋଲା ଚିକିତ୍ସାରେ ପ୍ରଭାବଶାଳୀ ପ୍ରତିକାର ଏହି ଔଷଧର ଡିଜାଇନ୍ କରାଯାଇଥିଲା। ଫେବୃଆରୀରେ, ଆମେରିକାର ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଡ୍ରଗ୍ସ ଆଣ୍ଡ ରିସର୍ଚ୍ଚ କୋଭିଡ -19 ର ଚିକିତ୍ସା ପାଇଁ ପରୀକ୍ଷା ପାଇଁ କହିଥିଲେ। ସାରସ ଏବଂ ମାରସ୍ ପରି ଜୀବାଣୁ ବିରୁଦ୍ଧରେ ପଶୁ ପରୀକ୍ଷଣରେ ଏହି ଔଷଧ ଭଲ ଫଳାଫଳ ଦେଇଥିଲା ।
ଏହି ଔଷଧ କମ୍ପାନୀ ପ୍ରାୟ 1000 କୋରୋନା ରୋଗୀଙ୍କୁ ଏହି ପରୀକ୍ଷଣରେ ଅନ୍ତର୍ଭୁକ୍ତ କରିଥିଲା। ଏହି ରୋଗୀମାନଙ୍କୁ ଦୁଇ ଗୋଷ୍ଠୀରେ ବିଭକ୍ତ କରାଯାଇଥିଲା, ରେମଡେସିଭର ଏବଂ ପ୍ଲେସେବୋ। ଅଧ୍ୟୟନ ସମୟରେ, ଏହା ଜଣାପଡିଥିଲା ଯେ ରିମେଡେସିଭିର ରୋଗୀମାନେ ପ୍ଲେସେବୋ ରୋଗୀଙ୍କ ଅପେକ୍ଷା ଶୀଘ୍ର ସୁସ୍ଥ ହୋଇଯାଇଛନ୍ତି। ରେମଡେସିଭର ଦିଆଯାଇଥିବା ରୋଗୀମାନେ 31 ପ୍ରତିଶତ ଶୀଘ୍ର ସୁସ୍ଥ ହୋଇଥିଲେ। ଏହି ପରିପ୍ରେକ୍ଷୀରେ, ଆମେରିକାର ବୈଜ୍ଞାନିକ ମାନେ ରେମଡେସିଭରକୁ ସଞ୍ଜୀବନି ଭାବେ ବ୍ୟବହାର କରିବାକୁ ପ୍ରସ୍ତୁତି ଚଳାଇଛନ୍ତି।
