ବେଙ୍ଗାଲୁରୁ: ତେଲେଙ୍ଗାନାରେ କୋରୋନା ଆକ୍ରାନ୍ତ ଚିହ୍ନଟ ପରେ କର୍ଣ୍ଣାଟକ ସରକାର ଡାକିଲେ ଜରୁରୀକାଳିନ ବୈଠକ । ଆଜି(ମଙ୍ଗଳବାର) କର୍ଣ୍ଣାଟକ ସ୍ବାସ୍ଥ୍ୟମନ୍ତ୍ରୀ ବି ଶ୍ରୀରାମୁଲୁ ଏହାକୁ ନେଇ ଏକ ଜରୁରୀ ବୈଠକ ଡକାଇଛନ୍ତି । ତେଲେଙ୍ଗାନାର ପଡୋଶୀ ରାଜ୍ୟ କର୍ଣ୍ଣାଟକ ହୋଇଥିବାରୁ କର୍ଣ୍ଣାଟକ ସରକାର ଏଭଳି ପଦକ୍ଷେପ ନେଇଛନ୍ତି ।
ସୂଚନା ଥାଉକି, ଦିଲ୍ଲୀ ଓ ତେଲେଙ୍ଗାନାରୁ ଦୁଇ ଜଣ କୋରୋନା ଆକ୍ରାନ୍ତ ଚିହ୍ନଟ କରାଯାଇଛି। ଉଭୟ ରୋଗୀଙ୍କୁ ଚିହ୍ନଟ କରାଯିବା ପରେ ତାଙ୍କୁ ପରୀକ୍ଷା ପାଇଁ ହସ୍ପିଟାଲକୁ ପଠାଯାଇଛି । ସେପଟେ ଉଭୟ ରୋଗୀଙ୍କୁ ତୀକ୍ଷ୍ଣ ନଜରରେ ରଖିଛି ସ୍ବତନ୍ତ୍ର ଡାକ୍ତରୀ ଟିମ୍ ।