ହାଇଦ୍ରାବାଦ: ସାରା ବିଶ୍ବରେ କରୋନା ଭାଇରସରେ ସଂକ୍ରମିତ ଲୋକଙ୍କ ସଂଖ୍ୟା ବଢିବାରେ ଲାଗିଛି । ବର୍ତ୍ତମାନ ସୁଦ୍ଧା ଭାରତରେ ଆକ୍ରାନ୍ତଙ୍କ ସଂଖ୍ୟା170ରେ ପହଞ୍ଚିଛି । । କୌଣସି ପ୍ରକାର ଔଷଧ ବଜାରରେ କୋରୋନାକୁ ପ୍ରତିହତ କରିବା ପାଇଁ ବାହାରି ନାହିଁ । ଏପରିସ୍ଥଳେ କେବଳ କୋରୋନା ପ୍ରତିରୋଧ ପାଇଁ ସ୍ବଚ୍ଛତା, ସାବଧାନତା ଓ ହାତ ସଫା କରିବା ପାଇଁ ପରାମର୍ଶ ଦିଆଯାଉଛି । ଏହି ସମୟରେ ତେଲେଙ୍ଗାନା ଟ୍ରାଫିକ ପୋଲିସ ଏକ ନିଆରା ପଦ୍ଧତି ଆପଣେଇଛି । ଟ୍ରାଫିକରେ ସାଧାରଣ ଲୋକଙ୍କୁ କିଭଳି ହାତ ସଫା କରାଯିବ ସେ ନେଇ ବୁଝାଉଛନ୍ତି ।
ଭିଡିଓ ସୌଜନ୍ୟ: ଟ୍ବିଟର@RachakondaCop
ରଚାକୋଣ୍ଡା ପୋଲିସ ଏକ ଭିଡିଓ ଜାରି କରିଛି । ଯେଉଁଥିରେ ଟ୍ରାଫିକ ପୋଲିସ କର୍ମଚାରୀମାନେ କିପରି ହାତ ଧୋଇବେ ତାହା ଲୋକଙ୍କୁ କହୁଛନ୍ତି । ଏହି ଭିଡିଓ ସୋସିଆଲ ମିଡିଆରେ ସେୟାର କରାଯାଉଛି ।