ଡେରାଡୁନରେ ଆଉ ଜଣେ କୋରୋନା ପଜିଟିଭ ଚିହ୍ନଟ

କାୟା ବିସ୍ତାର କରୁଛି କୋରୋନା । ଉତ୍ତରାଖଣ୍ଡର ରାଜଧାନୀ ଡେରାଡୁନରେ ଶୁକ୍ରବାର ଦିନ ଆଉ ଜଣେ କୋରୋନା ପଜିଟିଭ ଚିହ୍ନଟ ହୋଇଛନ୍ତି ।

ଡେରାଡୁନ: ଦେଶରେ କୋରୋନା ସଂକ୍ରମିତଙ୍କ ସଂଖ୍ୟା ଦିନକୁ ଦିନ ବଢିବାରେ ଲାଗିଛି । ଉତ୍ତରାଖଣ୍ଡର ରାଜଧାନୀ ଡେରାଡୁନରେ ଆଉ ଜଣେ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଏବେ ଡେରାଡୁନରେ କୋରୋନା ସଂକ୍ରମିତଙ୍କ ସଂଖ୍ୟା 4ରେ ପହଞ୍ଚିଛି ।

ରାଜପୁର ରୋଡ ସ୍ଥିତ ହୋଟେଲ ଫୋର ପଏଣ୍ଟରେ ରହିଥିବା ଏକ ମହିଳାଙ୍କ ରକ୍ତନମୁନା ପଜିଟିଭ ଆସିଛି । କୋରୋନା ସଂକ୍ରମିତ ମହିଳା ଜଣକ କିଛି ଦିନ ତଳେ ସ୍ପେନରୁ ଭାରତକୁ ଫେରିଛନ୍ତି ।

ଡିଏମ୍‌ ମୁଖ୍ୟ ଚିକିତ୍ସା ଅଧିକାରୀଙ୍କୁ ମହିଳାଙ୍କ ସଂପର୍କରେ ଆସିଥିବା ସମସ୍ତ ବ୍ୟକ୍ତିଙ୍କୁ ଚିହ୍ନଟ କରି ଆଇସୋଲେଟ କରିବାର ନିର୍ଦ୍ଦଶ ଦେଇଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ