ବେଜିଂ: ପୁରା ବିଶ୍ବରେ କରାଳ ରୂପ ଧାରଣ କଲାଣି ନୋଭେଲ କୋରୋନା ଭାଇରସ । ପ୍ରତିଦିନ ମୁଣ୍ଡ ନେଉଛି ଏହି ଭୟଙ୍କର ଭାଇରସ । ଚୀନରେ ଏବେ 812 ମୁଣ୍ଡ ନେଇଥିବା ଏହି ଭୂତାଣୁକୁ ନେଇ ବିଶ୍ବ ସମୁଦାୟରେ ମଧ୍ୟ ଚିନ୍ତା ପ୍ରକଟ କରାଯାଇଛି । ପ୍ରାୟ 30 ହଜାରରୁ ଅଧିକ ଲୋକ ଆକ୍ରାନ୍ତ ରହିଥିବା ବେଳେ ଏବେ ଯାଏଁ ତାର ପ୍ରତିଷେଧକ ବାହାରି ପାରିନାହିଁ ।
ତେବେ ଏହାରି ମଧ୍ୟରେ ଏକ ଚାଞ୍ଚଲ୍ୟକର ତଥ୍ୟ ସାମ୍ନାକୁ ଆସିଛି । କେବଳ ଥଣ୍ଡା କିମ୍ବା ଫ୍ଲୁ ନୁହେଁ ବରଂ ପବନ ଓ ଛୁଇଁଲେ ବି ନୋଭେଲ କୋରୋନା ଭୂତାଣୁ ବ୍ୟାପୁଛି ବୋଲି ମତ ଦେଇଛନ୍ତି ସାଙ୍ଘାଇ ସିଭିଲ ଅଫେୟାର୍ସ ବ୍ୟୁରୋର ମେଡିକାଲ ଏକ୍ସପର୍ଟ ଜେଙ୍ଗ କ୍ୟୁନ।