ନୂଆଦିଲ୍ଲୀ: ଦିନ ଥିଲା ରାଜଧାନୀ ଦିଲ୍ଲୀର ଡାକ୍ତରଖାନା ଗୁଡିକରେ ଶଯ୍ୟା ଖାଲି ନଥିଲା। କୋରୋନା ସଂକ୍ରମିତଙ୍କୁ ଏଠାରୁ ସେଠାକୁ ବୁଲିବାକୁ ପଡୁଥିଲା । ଏପରି ଅବସ୍ଥା ହୋଇଯାଇଥିଲା ଯେ, ଡାକ୍ତରଖାନାରେ ଶଯ୍ୟା ଉପଲବ୍ଧ ନ ଥିବାରୁ ଅନେକ ଆକ୍ରାନ୍ତ ଚିକିତ୍ସା ଅଭାବରୁ ପ୍ରାଣ ହରାଉଥିଲେ। ବର୍ତ୍ତମାନ ଦିଲ୍ଲୀ ସରକାରଙ୍କ କୋଭିଡ ସଂରକ୍ଷିତ ଡାକ୍ତରଖାନାଗୁଡ଼ିକରେ 75% ରୁ ଅଧିକ ଶଯ୍ୟା ଖାଲି ଅଛି।
'ଦିଲ୍ଲୀ ହସ୍ପିଟାଲରେ କମୁଛି ସଂକ୍ରମିତଙ୍କ ସଂଖ୍ୟା, ଘରେ ରହି ଚିକିତ୍ସିତ ହେଉଛନ୍ତି ଲୋକେ'
ଦିଲ୍ଲୀରେ ଏବେ କୋରୋନା ସଂକ୍ରମଣ ସଂଖ୍ୟା କମ ହେଉଥିବା ନେଇ ଏକ ଟ୍ବିଟ କରି ଦର୍ଶାଇଛନ୍ତି ସିଏମ କେଜରିଓ୍ବାଲ । ଅଧିକ ପଢନ୍ତୁ...
'ଦିଲ୍ଲୀ ହସ୍ପିଟାଲରେ କମୁଛି କୋରୋନା ସଂକ୍ରମିତଙ୍କ ସଂଖ୍ୟା, ଘରେ ରହି ଚିକିତ୍ସିତ ହେଉଛନ୍ତି ଲୋକେ'
ହସ୍ପିଟାଲରେ ଭର୍ତ୍ତି ହୋଇଥିବା କୋରୋନା ସଂକ୍ରମିତଙ୍କ ସଂଖ୍ୟା ହ୍ରାସ ପାଇଛି। ଏନେଇ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଏକ ଟ୍ବିଟରେ କହିଛନ୍ତି ଯେ, 23 ଜୁନ ତୁଳନାରେ 26 ଜୁଲାଇ ପର୍ଯ୍ୟନ୍ତ ଶଯ୍ୟା ବହୁ ସଂଖ୍ୟାରେ ଖାଲିପଡିଛି । ସେ କହିଛନ୍ତି ଯେ ବର୍ତ୍ତମାନ ବହୁତ କମ ସଂଖ୍ୟକ ଲୋକ ଅସୁସ୍ଥ ହେଉଛନ୍ତି । ଅଧିକାଂଶ ଅସୁସ୍ଥ ଥିବା ଲୋକ ଘରେ ଚିକିତ୍ସିତ ହେଉଛନ୍ତି।
ମୁଖ୍ୟମନ୍ତ୍ରୀ କେଜ୍ରିୱାଲ କହିଛନ୍ତି ଯେ, ବର୍ତ୍ତମାନ କେବଳ ଅଳ୍ପ ଲୋକଙ୍କୁ ଡାକ୍ତରଖାନାରେ ଭର୍ତ୍ତି କରିବାକୁ ପଡୁଛି । କେଜ୍ରିୱାଲଙ୍କ ଏହି ଟ୍ବିଟରେ ଗ୍ରାଫିକ୍ସ ମଧ୍ୟ ଅଛି । ଏଥିରେ, ମୋଟ ଶଯ୍ୟାର ଫଟୋ, ଡାକ୍ତରଖାନାଗୁଡ଼ିକରେ ଖାଲି ଶଯ୍ୟାର ଚିତ୍ର ଦର୍ଶାଯାଇଛି । ଗ୍ରାଫିକ୍ସ ଅନୁଯାୟୀ, ଜୁଲାଇ 26 ରେ, ଦିଲ୍ଲୀ ଡାକ୍ତରଖାନାଗୁଡ଼ିକରେ କୋରୋନା ପାଇଁ ସଂରକ୍ଷିତ 15301 ଶଯ୍ୟା ମଧ୍ୟରୁ କେବଳ 2841 ଶଯ୍ୟାରେ ସଂକ୍ରମିତ ଅଛନ୍ତି । ଆଉ ବାକି 12460ଟି ଶଯ୍ୟା ଖାଲି ପଡିଛି ।