ଡେରାଡୁନ: କୋରୋନା ଭାଇରାସ ସହ ମୁକାବିଲା କରିବା ପାଇଁ 21ଦିନ ପାଇଁ ସାରା ଭାରତକୁ ଲକ୍ ଡାଉନ୍ କରାଯାଇଛି । ତେବେ ଏହି ଲକ୍ ଡାଉନ୍ ସମୟରେ ଆଶ୍ରୟହୀନଙ୍କ ଉପରେ ବେଶ୍ ପ୍ରଭାବ ପଡୁଛି । ତେବେ ଏପରି ଲୋକଙ୍କ ସାହାଯ୍ୟ ପାଇଁ ଆଗେଇ ଆସିଛନ୍ତି ଲକ୍ସରରେ ମିତ୍ର ପୋଲିସ । ସେହି ଅସହାୟ ବ୍ୟକ୍ତିଙ୍କୁ ଖାଦ୍ୟ ଅନ୍ବେଷଣରେ କୁଆଡେ ବୁଲିବାକୁ ଆଉ ପଡିବ ନାହିଁ, ପୋଲିସ ସେମାନଙ୍କୁ ପ୍ରତିଦିନ ଖାଦ୍ୟ ଯୋଗେଇ ଦେବେ ।
ଲକ୍ସରରେ ଉତ୍ତରାଖଣ୍ଡ ମିତ୍ର ପୋଲିସ ନିଜର ଦାୟିତ୍ବ ସମ୍ପୂର୍ଣ୍ଣ ରୂପେ ତୁଲାଉଛନ୍ତି । ରାସ୍ତାରେ ଥିବା ଅସହାୟ ଲୋକଙ୍କୁ ପୋଲିସ ପକ୍ଷରୁ ଭୋଜନ ଦିଆ ଯାଉଛି । ଏଥିସହ ଲକ୍ ଡାଉନ୍ ଯୋଗୁଁ ଫସି ରହିଥିବା ଲୋକଙ୍କ ସାହାଯ୍ୟ କରୁଛନ୍ତି ମିତ୍ର ପୋଲିସ ।