ନିର୍ଭୟା ମାମଲା: ମୃତ୍ୟୁଦଣ୍ଡ କୋହଳ କରିବାକୁ ବିନୟର ଆବେଦନ

ନିର୍ଭୟା ମାମଲାରେ ଦୋଷୀ ବିନୟ କୁମାର ନିଜ ମୃତ୍ୟୁଦଣ୍ଡକୁ କୋହଳ କରି ଆଜୀବନ କାରାଦଣ୍ଡରେ ପରିଣତ କରିବାକୁ ନିବେଦନ କରିଛି । ଅଧିକ ପଢନ୍ତୁ...

ନୂଆଦିଲ୍ଲୀ: ନିର୍ଭୟା ମାମଲାରେ ଦୋଷୀ ବିନୟ କୁମାର ନିଜ ମୃତ୍ୟୁଦଣ୍ଡକୁ କୋହଳ କରି ଆଜୀବନ କାରାଦଣ୍ଡରେ ପରିଣତ କରିବାକୁ ଦିଲ୍ଲୀ ଲେଫ୍ଟନାଣ୍ଟ ଗଭର୍ଣ୍ଣରଙ୍କ ନିକଟରେ ଆବେଦନ କରିଛି । ବିନୟ ନିଜ ଓକିଲ ଏପି ସିଂଙ୍କ ଜରିଆରେ ଏହି ଆବେଦନ କରିଛି ।

ବିନୟର ଓକିଲ ଏପି ସିଂ ସିଆରପିସି ଧାରା 432 ଓ 433 ଅଧୀନରେ ଏକ ପିଟିସନ ଦାଖଲ କରିଛନ୍ତି । ଏଥିରେ ନିଜ ମହକିଲର ମୃତ୍ୟୁଦଣ୍ଡକୁ କୋହଳ କରିବାକୁ ସେ ନିବେଦନ କରିଛନ୍ତି ।

ସୂଚନାଯୋଗ୍ୟ, ଦିଲ୍ଲୀ ନିର୍ଭୟା ଅପରାଧୀଙ୍କ ଫାଶୀ ତାରିଖକୁ ଅନେକ ଥର କୋର୍ଟ ସ୍ଥଗିତ ରଖିସାରିଲେଣି । ତେବେ ନିର୍ଭୟା ମାମଲାର ଚାରିଜଣ ଦୋଷୀ ବିରୋଧରେ ଦିଲ୍ଲୀ କୋର୍ଟ ଏକ ନୂତନ ଡେଥ ୱାରେଣ୍ଟ ଜାରି କରିଛନ୍ତି । ମାର୍ଚ୍ଚ 20 ସକାଳ 5.30ରେ ଏହି ଚାରିଜଣ ଦୋଷୀଙ୍କୁ ଫାଶୀ ଦିଆଯିବ |

@ANI