CAA ବିରୋଦ୍ଧରେ ବିକ୍ଷୋଭ ଜାରି, ଏନେଇ ସୁପ୍ରିମକୋର୍ଟରେ ଶୁଣାଣି ଆଜି

CAA, NRC ଏବଂ NPR ବିଷୟରେ ଶାହିନବାଗରେ ପ୍ରଦର୍ଶନ ଜାରି | ସେପଟେ ଆଜି ବନ୍ଦ ରାସ୍ତା ସମ୍ପର୍କରେ ସୁପ୍ରିମକୋର୍ଟରେ ଶୁଣାଣି ଚାଲିଛି ।ବର୍ତ୍ତମାନ ଏହା ଦେଖିବାକୁ ପଡିବ ଯେ ଏହି ପୁରା ମାମଲାରେ କୋର୍ଟ କ’ଣ ନିର୍ଦ୍ଦେଶ ଦେଉଛନ୍ତି। ଅଧିକ ପଢନ୍ତୁ...

ନୂଆଦିଲ୍ଲୀ: ଶାହିନ୍ ବାଗ ବିରୋଧ ପ୍ରଦର୍ଶନରେ ବନ୍ଦ ରାସ୍ତାକୁ ନେଇ ସୁପ୍ରିମକୋର୍ଟରେ ଏକ ପିଟିସନ ଦାଖଲ କରାଯାଇଥିଲା । ଆଜି ଏହି ମାମଲାରେ କୋର୍ଟରେ ଶୁଣାଣି ଚାଲିଛି । ସୂଚନାଥାଉକି, ଆନ୍ଦୋଳନକାରୀଙ୍କ ସହ ସୁପ୍ରିମକୋର୍ଟ ଦ୍ବାରା ନିଯୁକ୍ତ ମଧ୍ୟସ୍ତିଙ୍କ/ ବୁଝାମଣାକାରୀଙ୍କ କଥାବାର୍ତ୍ତା ଏପର୍ଯ୍ୟନ୍ତ ବିଫଳ ରହିଛି ।

ଏଥି ସହିତ, ଶାହିନବାଗରେ ବିକ୍ଷୋଭକାରୀମାନେ CAA, NRC ଏବଂ NPR କୁ କ୍ରମାଗତ ବିରୋଧ କରୁଛନ୍ତି । ତେବେ ଏହି ବିକ୍ଷୋଭ ଯୋଗୁଁ ଦିଲ୍ଲୀକୁ ନୋଏଡା ସହିତ ସଂଯୋଗ କରୁଥିବା ମୁଖ୍ୟ ରାସ୍ତା ବ୍ୟାହତ ହୋଇଛି। ଯଦ୍ବାରା ଦିଲ୍ଲୀ-ଏନସିଆରର ଲକ୍ଷ ଲକ୍ଷ ଲୋକ ପ୍ରଭାବିତ ହେଉଛନ୍ତି।

ଶୁଣାଣି ସମୟରେ ସୁପ୍ରିମକୋର୍ଟ ବରିଷ୍ଠ ପରାମର୍ଶଦାତା ସଞ୍ଜୟ ହେଗଡେ ଏବଂ ସାଧନା ରାମଚନ୍ଦ୍ରନଙ୍କୁ ବୁଝାମଣାକାରୀ ଭାବରେ ନିଯୁକ୍ତ କରାଯାଇଥିଲା । ଯାହା ଫଳରେ ସେମାନେ ବିକ୍ଷୋଭକାରୀଙ୍କ ସହ ଆଲୋଚନା କରି ସାମାଧାନର ରାସ୍ତା ବାହାର କରିପାରିବେ । ଯାହାକି ଏଯାବତ୍ ଅସଫଳ ଥିବା ଜଣାପଡିଛି । ତେବେ ବର୍ତ୍ତମାନ ସୁଦ୍ଧା ଏହି ମାମଲାକୁ ନେଇ ସୁପ୍ରିମକୋର୍ଟରେ ଶୁଣାଣି ଜାରି ରହିଛି ।