ପାଟନା: ବିହାର ବିଧାନସଭା ନିର୍ବାଚନ 2020 ପାଇଁ କଂଗ୍ରେସ ଷ୍ଟାର ପ୍ରଚାରକଙ୍କ ତାଲିକା ଘୋଷଣା କରିଛି। ଶନିବାର ପ୍ରକାଶିତ ଏହି ତାଲିକାରେ 30 ଜଣ ଦଳର ନେତାଙ୍କ ନାମ ରହିଛି। ଏହି ତାଲିକାରେ ଷ୍ଟାର ପ୍ରଚାରକ ଭାବରେ ସୋନିଆ ଗାନ୍ଧୀ, ରାହୁଲ ଏବଂ ପ୍ରିୟଙ୍କାଙ୍କ ସହ ମନମୋହନ ସିଂଙ୍କ ନାମ ମଧ୍ୟ ରହିଛି।
କଂଗ୍ରେସ ଦ୍ବାରା ପ୍ରକାଶିତ ତାଲିକାରେ ଶତ୍ରୁଘ୍ନ ସିହ୍ନାଙ୍କୁ ପ୍ରଚାରକ ତାଲିକାରେ ସାମିଲ କରାଯାଇଛି । ସେ ଗତ 2019 ଲୋକସଭା ନିର୍ବାଚନ ପୂର୍ବରୁ କଂଗ୍ରେସରେ ଯୋଗ ଦେଇଥିଲେ ଏବଂ ପାଟନା ସାହିବରୁ ରବି ଶଙ୍କର ପ୍ରସାଦଙ୍କ ବିରୋଧରେ ପ୍ରତିଦ୍ବନ୍ଦିତା କରିଥିଲେ। ତେବେ ତାଙ୍କୁ ଏହି ନିର୍ବାଚନରେ ପରାଜୟର ସାମ୍ନା କରିବାକୁ ପଡିଥିଲା। ସେହିଭଳି ପ୍ରଚାରକ ତାଲିକାରେ ପ୍ରିୟଙ୍କା ଗାନ୍ଧୀଙ୍କୁ କଂଗ୍ରେସ ସାମିଲ କରାଯାଇଛି । ପ୍ରିୟଙ୍କା ବର୍ତ୍ତମାନ ଉତ୍ତରପ୍ରଦେଶରେ ଦଳର ସାଧାରଣ ସମ୍ପାଦକ ଅଛନ୍ତି। ଗତ କିଛି ମାସ ମଧ୍ୟରେ ସେ ୟୁପି ସରକାରଙ୍କ ଉପରେ ଆକ୍ରମଣାତ୍ମକ ହୋଇଛନ୍ତି। ଏଥର କଂଗ୍ରେସ ଦଳରେ ମହାରାଷ୍ଟ୍ରର ସଞ୍ଜୟ ନିରୁପମଙ୍କୁ ମଧ୍ୟ ପ୍ରଚାରକ ଟିମରେ ସ୍ଥାନ ଦିଆଯାଇଛି | ଏଥି ସହିତ ବିହାରର ବରିଷ୍ଠ ନେତା ଶକିଲ ଅହମ୍ମଦ ମଧ୍ୟ ଏହି ତାଲିକାରେ ସ୍ଥାନ ପାଇଛନ୍ତି।