ନୂଆଦିଲ୍ଲୀ: ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଭାରି ପଡିଛି ଲୋକସଭାରେ ଦେଇଥିବା ପିଆଜ ବୟାନ । କଂଗ୍ରେସ ଏନେଇ ଟ୍ବିଟ କରି ଅର୍ଥମନ୍ତ୍ରୀଙ୍କୁ ସମାଲୋଚନା କରିଛି । ବିନା ପିଆଜରେ ନିର୍ମଳାଙ୍କ ମେନ୍ୟୁ ଦର୍ଶାଇ ‘କ୍ୟାଫେ ନିର୍ମଳା ତାଇ’ ନାଁରେ ଏକ ଫଟୋ ଫୋଷ୍ଟ କରାଯାଇଛି । ଏଥିରେ ସୀତାରମଣଙ୍କ ଖାଇବା ଲିଷ୍ଟ(ମେନ୍ୟୁ)ରୁ ପିଆଜ ପୂରା ଗାଏବ ଥିବା ଦେଖାଦେଇଛି ।
ନିର୍ମଳାଙ୍କ ପିଆଜ ଚର୍ଚ୍ଚା, ଫଟୋ ସେୟାର କରି ମଜା ଉଡାଇଲା କଂଗ୍ରେସ - ପିଆଜ ଦର ବୃଦ୍ଧି
ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଭାରି ପଡିଛି ଲୋକସଭାରେ ଦେଇଥିବା ପିଆଜ ବୟାନ । କଂଗ୍ରେସ ଏନେଇ ଟ୍ବିଟ କରି ଅର୍ଥମନ୍ତ୍ରୀଙ୍କୁ ସମାଲୋଚନା କରିଛି । ଅଧିକ ପଢନ୍ତୁ...
ଡିଜାଇନ ଫଟୋ
କଂଗ୍ରେସ ଏହି ଫଟୋ ପୋଷ୍ଟ କରି ଲେଖିଛି ଯେ, ‘‘ ଏଠାରେ ଯାହା ବି ପରଷାଯିବ, ସେଥିରେ ଅହଙ୍କାରର ଛିଟା ରହିଛି । ଏଥିସହ ଗୋଟିଏ ଚୁଟକି (pinch) ଅଣଦେଖା ଏବଂ ଅକ୍ଷମତା ପାହାଡ ଭର୍ତ୍ତି ହୋଇ ରହିଛି ।’’
ପ୍ରକାଶ ଯେ, ପିଆଜ ଦାମ ବୃଦ୍ଧିକୁ ନେଇ ସଡକଠୁ ସଂସଦ ସବୁଠି ଝଡ । ଏଥିମଧ୍ୟରେ ବୁଧବାର ଲୋକସଭାରେ କଂଗ୍ରେସ ସାଂସଦଙ୍କୁ ଜବାବ ଦେଇ କହିଛନ୍ତି ଯେ, ‘‘ ମୁଁ ଏତେ ରସୁଣ , ପିଆଜ ଖାଉନାହିଁ , ଏଣୁ ଚିନ୍ତା କରନ୍ତୁନାହିଁ । ମୁଁ ଏପରି ପରିବାରରୁ ଆସେ ଯେଉଁଛି ପିଆଜ ଓ ରସୁଣର ଅର୍ଥ କିଛି ନାହିଁ । ’’ନିର୍ମଳାଙ୍କ ଏହି ବୟାନ ପରେ ବିରୋଧୀଙ୍କ ସମାଲୋଚନା ଜାରି ରହିଛି ।