ନୂଆଦିଲ୍ଲୀ: ଆଜି ସଂସଦର ମୌସୁମୀ ଅଧିବେଶନର ଦ୍ବିତୀୟ ଦିନ । ପ୍ରଥମକୁ ବସିଛି ରାଜ୍ୟସଭା ଅଧିବେଶନ । ତେବେ ଶୂନ୍ୟକାଳରେ ସାଂସଦମାନେ ନିଜ ନିଜର ପ୍ରଶ୍ନ ରଖିବା ପରେ ବେସାମରିକ ବିମାନ ଚଳାଚଳ ମନ୍ତ୍ରୀ ବିମାନ (ସଂଶୋଧନ) ବିଧେୟକ 2020 ବିଧେୟକ ଗୃହରେ ଉପସ୍ଥାପନ କରିଛନ୍ତି ।
ମୌସୁମୀ ଅଧିବେଶନ
ଏହା ଉପରେ ଆଲୋଚନା ହୋଇଛି । ତେବେ ଏହି ଆଲୋଚନାରେ ଭାଗ ନେଇ କଂଗ୍ରେସ ସାଂସଦ କେସି ବେଣୁଗୋପାଳ କେରଳ ବିମାନଦୁର୍ଘଟଣା ପ୍ରସଙ୍ଗ ଉଠାଇବା ସହ ସେଠାରେ କିପରି 18 ଜଣଙ୍କ ଜୀବନ ଯାଇଥିଲା ତାହା ଦର୍ଶାଇଛନ୍ତି । ଏହାସହ ବିମାନ ବନ୍ଦରଟି ଟେବୁଲ ଟପ୍ ହୋଇଥିବାରୁ ଏଠାରେ ପ୍ରାଥମିକ ପର୍ଯ୍ୟାୟରେ ବଡ ବିମାନକୁ ଅବତରଣ କରିବାକୁ ଅନୁମତି ନଦେବାକୁ DGCA ପରାମର୍ଶ ଦେଇଥିଲା । ତେବେ କିପରି ପୁଣି ସରକାର ଏଠାରେ ବଡ ବିମାନ ଉଡାଇବାକୁ ଅନୁମତି ଦେଲେ ବୋଲି ସେ ପ୍ରଶ୍ନ କରିଛନ୍ତି ।