ନୂଆଦିଲ୍ଲୀ: ଆଉଁ ଅଳ୍ପଦିନ ପରେ ଆରମ୍ଭ ହେବ ୧୭ତମ ସାଧାରଣ ନିର୍ବାଚନ ପାଇଁ ଭୋଟ ଗ୍ରହଣ ପର୍ବ । ଜନତା ବାଛିବେ ନୂଆ ସରକାର । ଏହାପୂର୍ବରୁ ଦଳଗୁଡିକ ଜାରି କରୁଛନ୍ତି ନିଜ ନିଜ ପ୍ରାର୍ଥୀ ତାଲିକା । ଏହି କ୍ରମରେ କଂଗ୍ରେସ ରବିବାର ଜାରି କରିଛି ନବମ ପ୍ରାର୍ଥୀ ତାଲିକା । ଯେଉଁଥିରେ ୧୦ ଜଣ ପ୍ରାର୍ଥୀଙ୍କ ନାଁ ରହିଛି ।
ନିର୍ବାଚନ ଲଢିବେ ଚିଦାରମ୍ବରଙ୍କ ପୁଅ, କଂଗ୍ରେସ ଦେଲା ଗ୍ରୀନ ସିଗନାଲ
ଏହି ତାଲିକାରେ ପୂର୍ବତନ ଅର୍ଥମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ପି.ଚିଦାମ୍ବରଙ୍କ ପୁଅ କାର୍ତ୍ତି ଚିଦାମ୍ବରମଙ୍କୁ ତାମିଲନାଡୁର ଶିବଗଙ୍ଗା ଲୋକସଭା ଆସନରୁ ମିଳିଛି ଟିକେଟ । ଏହାସହ କର୍ଣ୍ଣାଟକର ବେଙ୍ଗାଲୁରୁ ଦକ୍ଷିଣ ଲୋକସଭା ଆସନରୁ ବିକେ ହରିପ୍ରସାଦ ନିର୍ବାଚନୀ ମଇଦାନକୁ ଓହ୍ଲାଇବେ ।
ଫାଇଲ ଫଟୋ
ଏହି ତାଲିକାରେ ପୂର୍ବତନ ଅର୍ଥମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ପି.ଚିଦାମ୍ବରଙ୍କ ପୁଅ କାର୍ତ୍ତି ଚିଦାମ୍ବରମଙ୍କୁ ତାମିଲନାଡୁର ଶିବଗଙ୍ଗା ଲୋକସଭା ଆସନରୁ ମିଳିଛି ଟିକେଟ । ଏହାସହ କର୍ଣ୍ଣାଟକର ବେଙ୍ଗାଲୁରୁ ଦକ୍ଷିଣ ଲୋକସଭା ଆସନରୁ ବିକେ ହରିପ୍ରସାଦ, ମହାରାଷ୍ଟ୍ରର ଅକୋଲାରୁ ହିଦାୟତ ପଟେଲ, ରାମଟେକରୁ କିଶୋର ଉତ୍ତମରାଓ ଗାଜଭିୟେ, ଚନ୍ଦ୍ରପୁରରୁ ସୁରେଶ ଧନୋରକର ଓହିଙ୍ଗୋଲୀରୁ ସୁଭାଷ ବାନଖେଡଙ୍କୁ ମିଳିଛି ଟିକେଟ ।
ସେହିପରି ବିହାରର କିଶନଗଞ୍ଜରୁ ମହମ୍ମଦ ଜାଭେଦ, କଟିହାରୀରୁ ତାରିକ ଅନବର, ପୂର୍ଣ୍ଣିଆରୁ ଉଦୟ ସିଂ ଅରଫ ପପ୍ପୁ ସିଂ ଓ ଜମ୍ମୁ କଶ୍ମୀରର ବାରାମୁଲାରୁ ହାଜି ଫାରୁକ ମୀରଙ୍କୁ କଂଗ୍ରେସ ଟିକେଟ ପ୍ରଦାନ କରିଛି ।