ଗଣତାନ୍ତ୍ରିକ ଦେଶରେ ଲୋକଙ୍କୁ ଚୁପ୍ କରାଇବାକୁ ଚେଷ୍ଟା କରୁଛି ମୋଦି ସରକାର: ରାହୁଲ ଗାନ୍ଧୀ

କୃଷି ବିଲକୁ ନେଇ ସଂସଦରେ ଦୁଇ ଦିନ ହେବ ବିବାଦ ଜାରି ରହିଛି । କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଏହି ପ୍ରସଙ୍ଗରେ ସରକାରଙ୍କୁ ଘେରିଛନ୍ତି ।

ନୂଆଦିଲ୍ଲୀ: କୃଷି ବିଲକୁ ନେଇ ସଂସଦରେ ଦୁଇ ଦିନ ହେବ ବିବାଦ ଜାରି ରହିଛି । ରବିବାର ଏହାକୁ ନେଇ ଏକ ବଡ ଧରଣର ଉତ୍ତେଜନା ଦେଖାଦେଇଥିଲା । ଏହାପରେ ସୋମବାର କିଛି ସାଂସଦଙ୍କୁ ସଂସଦକୁ ନିଲମ୍ବିତ କରାଯାଇଥିଲା । କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଏହି ପ୍ରସଙ୍ଗରେ ସରକାରଙ୍କୁ ଘେରିଛନ୍ତି । ରାହୁଲ କହିଛନ୍ତି ଯେ ମୋଦି ସରକାର ଗଣତାନ୍ତ୍ରିକ ଦେଶକୁ ନୀରବ କରିବାରେ ବ୍ୟସ୍ତ ଅଛନ୍ତି।

ଏନେଇ ରାହୁଲ ଟ୍ବିଟ୍ କରିଛନ୍ତି। ସେ ଲେଖିଛନ୍ତି,‘ଗଣତାନ୍ତ୍ରିକ ଦେଶ ନୀରବ ରହିଆସିଛି। ପ୍ରଥମେ ସ୍ବର ଉଠାଇଲେ ଦମନ କର, ତା’ପରେ ସାଂସଦମାନଙ୍କୁ ନିଲମ୍ବନ କର ଏବଂ କୃଷକମାନଙ୍କ ପାଇଁ ଆଣିଥିବା କଳା ନିୟମ ଉପରେ ଆଖି ବନ୍ଦ କର ’ । କଂଗ୍ରେସ ନେତା କହିଛନ୍ତି ଯେ ଏହି ସର୍ବଜ୍ଞାନୀ ସରକାରଙ୍କ ଗର୍ବ ସମଗ୍ର ଦେଶକୁ ଏକ ଆର୍ଥିକ ବିପର୍ଯ୍ୟୟକୁ ଠେଲି ଦେଇଛି।

ପ୍ରକାଶଥାଉକି, ରବିବାର କୃଷି ବିଲ୍ ପାରିତ ସମୟରେ ଭୋଟିଂ ବେଳେ କିଛି ସାଂସଦ ବିରୋଧ ପ୍ରଦର୍ଶନ କରିଥିଲେ । ଉପବାଚସ୍ପତିଙ୍କ ମାଇକ୍ ଭାଙ୍ଗିବା ସହ କାଗଜପତ୍ର ନଷ୍ଟ କରିଦେଇଥିଲେ । ଏହା ବିରୋଧରେ ସୋମବାର ରାଜ୍ୟସଭା ବାଚସ୍ପତି ଭେଙ୍କେୟା ନାଇଡକୁ 8 ଜଣ ସାଂସଦଙ୍କୁ ନିଲମ୍ବିତ କରିଛନ୍ତି । ନିଲମ୍ବିତ ସାଂସଦମାନଙ୍କ ମଧ୍ୟରେ ସଞ୍ଜୟ ସିଂ, ଡେରେକ ଓ’ବ୍ରାଇନଙ୍କ ଭଳି ନେତା ଅଛନ୍ତି। ନିଲମ୍ବନ ପରେ ମଧ୍ୟ ଏହି ସମସ୍ତ ସାଂସଦ ଗୃହ ଛାଡି ରାଜ୍ୟସଭାରେ ଧର୍ମଘଟରେ ବସିଥିଲେ।