ନୂଆଦିଲ୍ଲୀ: ରାଜସ୍ଥାନରେ ଥମୁନାହିଁ ଆରୋପ ପ୍ରତ୍ୟାରୋପର ରାଜନୀତି । ମୁଖ୍ୟମନ୍ତ୍ରୀ ଅଶୋକ ଗେହଲଟ ଓ ସଚିନ ପାଇଲଟଙ୍କ ମଧ୍ୟରେ ଆରମ୍ଭ ହୋଇଥିବା ବିବାଦ ଏବେ ନୂଆ ମୋଡ ନେଇ ରାଜ୍ୟପାଳ ଓ କଂଗ୍ରେସ ମଧ୍ୟରେ ପ୍ରଚୀର ଛିଡା କରିଦେଇଛି । କଂଗ୍ରେସର ପାରିବା ପଣିଆ ଉପରେ ରାଜ୍ୟପାଳ କଲରାଜ ମିଶ୍ର ଉଠାଇଥିବା ପ୍ରଶ୍ନର ଜବାବ ଦେଇଛି ଦଳ ।
କଂଗ୍ରେସର ବିରଷ୍ଠ ନେତା ଅଭିଷକ ମନୁ ସିଂଘଓ୍ବୀ କହିଛନ୍ତି, ଏହା ବଡ ଆଶ୍ଚର୍ଯ୍ୟର କଥା ଯେ ଅଧିବେଶନ ଡକାଇବା ପୂର୍ବରୁ ରାଜ୍ୟପାଳ ବିଧାୟକଙ୍କ ଗତିବିଧି ଉପରେ ପ୍ରଶ୍ନ ଛିଡା କରିଛନ୍ତି । ରାଜ୍ୟପାଳଙ୍କ ଏହି ସକ୍ରିୟ ମନୋଭାବ ବେଶ ପ୍ରଶଂସନୀୟ ହେଲେ ଏହା ତାଙ୍କ ଅଧିକାର ବାହାରେ । ଏସମସ୍ତ ବିଷୟ ବିଧାନସଭା ଅଧ୍ୟକ ଅଧିନରେ ଥିବା ସଚ୍ଚିବାଳାୟ ଦେଖେ କିମ୍ବା ସରକାରୀ ଶାସନ କଳ ପରିଚାଳନା କରେ ।