ରାଞ୍ଚି: ଝାଡଖଣ୍ଡ ବିଧାନସଭା ନିର୍ବାଚନ ପାଇଁ ରବିବାର କଂଗ୍ରେସ 3ଟି ବିଧାନସଭା ଆସନ ପାଇଁ ପ୍ରାର୍ଥୀ ତାଲିକା ଘୋଷଣା କରିଛି । ଅଖିଳ ଭାରତ କଂଗ୍ରେସ କମିଟି (ଏଆଇସିସି) ପ୍ରେସ ରିଲିଜ କରି ଏହି ତାଲିକା ପ୍ରକାଶ କରିଛି । ଏଥିରେ ଜଗନ୍ନାଥପୁର ସିଟ ପାଇଁ କଂଗ୍ରେସ ସୋନା ରାମ ସିଙ୍କୁଙ୍କୁ ପ୍ରାର୍ଥୀ କରିଛି । ସେହିପରି କାଙ୍କେ ବିଧାସଭା ଆସନ ପାଇଁ ସୁରେଶ ବୈଠାଙ୍କୁ ଦଳ ଟିକେଟ ପ୍ରଦାନ କରିଛି । ଅନ୍ୟପଟେ ମାଣ୍ଡର ସିଟ୍ରୁ ଶ୍ରୀ ସନ୍ନି ଟୋପେଙ୍କୁ କଂଗ୍ରେସ ନିର୍ବାଚନ ମୈଦାନକୁ ଓହ୍ଲାଇଛି ।
ଏହାପୂର୍ବରୁ କଂଗ୍ରେସ ଦୁଇଟି ପର୍ଯ୍ୟାୟରେ ପ୍ରାର୍ଥୀ ତାଲିକା ଘୋଷଣା କରିସାରିଛି । ରାଜ୍ୟର ହାଇପ୍ରୋଫାଇଲ ଜାମସେଦପୁର ସିଟରେ ପାର୍ଟିର ମୁଖପାତ୍ର ଗୌରବ ବଲ୍ଲଭଙ୍କୁ ଦଳ ଟିକେଟ ଦେଇଛି । ସେ ଝାରଖଣ୍ଡ ମୁଖ୍ୟମନ୍ତ୍ରୀ ରଘୁବର ଦାସଙ୍କ ବିରୋଧରେ ନିର୍ବାଚନ ଲଢିବେ । ପୂର୍ବରୁ 81ଟି ଆସନରୁ ପ୍ରଥମ ପର୍ଯ୍ୟାୟରେ ଦଳ 5ଟି ବିଧାନସଭା ଓ ଦ୍ବିତୀୟ ପର୍ଯ୍ୟାୟରେ 19ଟି ଆସନ ପାଇଁ ପ୍ରାର୍ଥୀ ତାଲିକା ଘୋଷଣା କରିଥିଲା । ଏହାପରେ ଶନିବାର 2ଟି ଆସନ ପାଇଁ ରବିବାର ଦଳ 3ଟି ଆସନ ପାଇଁ ପ୍ରାର୍ଥୀ ତାଲିକା ଘୋଷଣା କରିଛି ।