ଫେଲ ମାରିଲା କମ୍ପ୍ୟୁଟର ବାବାଙ୍କ ଭବିଷ୍ୟବାଣୀ

ବିପୁଳ ଭୋଟରେ ମୋଦି ଜିତିବା ପରେ କମ୍ପ୍ୟୁଟର ବାବାଙ୍କ ସବୁ ଭବିଷ୍ୟବାଣୀ ଓଲଟପାଲଟ ହୋଇଯାଇଛି । କମ୍ପ୍ୟୁଟର ବାବା ଭବିଷ୍ୟବାଣୀ କରିଥିଲେ କଂଗ୍ରେସ ନେତା ଦିଗ ବିଜୟ ସିଂ ଜିତିବେ ଓ ମୋଦି ହାରିବେ ।

ଭୋପାଳ: ମୋଦି ମ୍ୟାଜିକ୍ ଆଗରେ ଫେଲ ମାରିଛି କମ୍ପ୍ୟୁଟର ବାବାଙ୍କ ଭବିଷ୍ୟବାଣୀ । ବିପୁଳ ଭୋଟରେ ଜିତି ସରକାର ଗଠନ କରିବାକୁ ଯାଉଛି ବିଜେପି । ମୋଦିଙ୍କ ବିଜୟକୁ ଦେଖି ଶାନ୍ତ ପଡିଯାଇଛନ୍ତି କମ୍ପ୍ୟୁଟର ବାବା ।

କହିରଖୁଛୁ, ଭୋଟ ଗଣତି ପୂର୍ବରୁ କମ୍ପ୍ୟୁଟର ବାବା ଭବିଷ୍ୟତବାଣୀ କରିଥିଲେ । ଦେଶରେ କାମ ଦେବନି ମୋଦି ମ୍ୟାଜିକ୍ । ବିପୁଳ ଭୋଟରେ ଦିଗବିଜୟ ସିଂହ ଜିତିବା ସହ ପ୍ରଧାନମନ୍ତ୍ରୀ ହୋଇ ପାରିବେ ନାହିଁ ମୋଦି । କିନ୍ତୁ ଜନାଦେଶ ଆସିବା ପରେ ଫେଲ ମାରିଛି ବାବାଙ୍କ ଭବିଷ୍ୟବାଣୀ । ମଧ୍ୟପ୍ରଦେଶର ଭୋପାଳ ଲୋକସଭା ସିଟ୍‌ରୁ ହାରି ଯାଇଛନ୍ତି ଦିଗବିଜୟ ।

ମୋଦି ମ୍ୟାଜିକକୁ ନେଇ କମ୍ପ୍ୟୁଟର ବାବା ଶାନ୍ତ ପଡିବା ସହ କହିଛନ୍ତି, କଂଗ୍ରେସରେ କିଛିଟା ଅଭାବ ଯୋଗୁଁ ପରାଜୟର ସମ୍ମୁଖୀନ ହେବାକୁ ପଡିଛି । ଏଥିସହ ନରେନ୍ଦ୍ର ମୋଦିଙ୍କୁ ଶୁଭେଚ୍ଛା ଜଣାଇବା ସହ ରାମ ମନ୍ଦିର ଖୁବ୍ ଶୀଘ୍ର ନିର୍ମାଣ କରିବାକୁ ଦାବି ଉଠାଇଛନ୍ତି ।