ପଶୁ ପ୍ରେମ ପାଇଁ ଜୀବନ ହାରିଲେ ଯୁବତୀ

ବର୍ତ୍ତମାନ ସମୟରେ ଅଧିକାଂଶ ସ୍ଥାନରେ ପଶୁଙ୍କୁ ହତ୍ୟା କିମ୍ବା ଚାଲାଣ କରାଯାଉଥିବା ଘଟଣା ଦେଖିବାକୁ ମିଳୁଥିବା ବେଳେ ଏକ ଭିନ୍ନ ପରିସ୍ଥିତି ଦେଖିବାକୁ ମିଳିଛି ତାମିଲନାଡ଼ୁରେ।

କୋଏମ୍ବାଟୁର: ସ୍ବାର୍ଥପର ଦୁନିଆରେ ଯେଉଁଠି ମଣିଷ ମଣିଷ ମଧ୍ୟରେ ଯେଉଁଠି ବିବାଦ ଦେଖାଦେଉଛି, ସେଠାରେ ପଶୁଙ୍କୁ ବା ପଚାରେ କିଏ । ବର୍ତ୍ତମାନ ସମୟରେ ଅଧିକାଂଶ ସ୍ଥାନରେ ପଶୁଙ୍କୁ ହତ୍ୟା କିମ୍ବା ଚାଲାଣ କରିବା ଭଳି ଘଟଣା ଦେଖିବାକୁ ମିଳୁଥିବା ବେଳେ, ଏକ ଭିନ୍ନ ପରିସ୍ଥିତି ଦେଖିବାକୁ ମିଳିଛି ତାମିଲନାଡ଼ୁରେ।

ତାମିଲନାଡ଼ୁର କୋଏମ୍ବାଟୁରରେ ଦେଖିବାକୁ ମିଳିଛି ଜଣେ ମହିଳାଙ୍କ ପଶୁପ୍ରେମ। ଘରେ ରଖିଥିବା ପାଳିତ କୁକୁର ଠାରୁ ଅଲଗା ହେବା ପରେ ସେ ଆତ୍ମହତ୍ୟା କରିଛନ୍ତି । ତେବେ ଏହି ଘଟଣା ଏବେ ସ୍ଥାନୀୟ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି କରିଛି।

କବିତା ନାମକ ଏହି ମହିଳା ଏକ ବେସରକାରୀ ଫାର୍ମରେ କାମ କରୁଥିବାବେଳେ ଗତ 2 ବର୍ଷ ଧରି ଏକ କୁକୁରକୁ ପାଳିଥିଲେ । ହେଲେ କୁକୁରକୁ ନେଇ ପଡୋଶୀ ଅସନ୍ତୁଷ୍ଟ ହେବା ସହ କୁକୁରକୁ ଛାଡିଦେବା କହିଥିଲେ । ଯେଉଁଥିରେ କବିତାଙ୍କ ପରିବାର ଲୋକେ ରାଜି ହୋଇଥିଲେ । ଯାହାକୁ ନେଇ ସେ ପ୍ରଥମେ ଅମଙ୍ଗ ହେବା ସହ ଏଭଳି ଚରମ ନିଷ୍ପତ୍ତି ନେଇଥିଲେ।

ଆତ୍ମହତ୍ୟା କରିବା ପୂର୍ବରୁ ସେ ଏକ ଚିଠି ଛାଡିଦେଇଛନ୍ତି । ଯେଉଁଥିରେ ସେ ତାଙ୍କ କୁକୁର ବିଷୟରେ ଲେଖିଛନ୍ତି। ଏ ଘଟଣାରେ ପୋଲିସ ଏକ ମାମଲା ରୁଜୁ କରି ଏହାର ତଦନ୍ତ କରୁଛି।