କ୍ରୋବା କ୍ୟାମ୍ପରେ ଅଘଟଣ: ବିଦ୍ୟୁତ ଆଘାତରେ ଯବାନଙ୍କ ମୃତ୍ୟୁ, 3 ଆହତ

ବିଦ୍ୟୁତ ଆଘାତରେ ପ୍ରାଣ ହରାଇଲେ ଯବାନ । ବିହାର କୋବ୍ରା କ୍ୟାମ୍ପରେ ସାଧାରଣତନ୍ତ୍ର ଦିବସର ପ୍ରସ୍ତୁତି ସମୟରେ ଘଟିଛି ଏଭଳି ଅଘଟଣ ।

ପାଟନା: ବିଦ୍ୟୁତ ଆଘାତରେ ପ୍ରାଣ ହରାଇଲେ ଯବାନ । ବିହାର କୋବ୍ରା କ୍ୟାମ୍ପରେ ସାଧାରଣତନ୍ତ୍ର ଦିବସର ପ୍ରସ୍ତୁତି ସମୟରେ ଘଟିଛି ଏଭଳି ଅଘଟଣ । ବିଦ୍ୟୁତ ତାରରୁ ଆଘାତ ପାଇ ଯବାନ ସୁମିତ କୁମାରଙ୍କର ମୃତ୍ୟୁ ଘଟିଥିବାବେଳେ ଅନ୍ୟ ତିନି ଯବାନ ଆହତ ହୋଇଛନ୍ତି ।

ସୂଚନା ଅନୁସାରେ, ଗୟା ଜିଲ୍ଲା ବାରାଚଟ୍ଟୀ ଥାନା ଅଞ୍ଚଳରେ ଥିବା କୋବ୍ରା କ୍ୟାମ୍ପରେ ଏଭଳି ଅଘଟଣ ଘଟିଛି । ସାଧାରଣତନ୍ତ୍ର ଦିବସ ପାଇଁ କ୍ୟାମ୍ପରେ ପ୍ରସ୍ତୁତି ଚାଲିଥିବାବେଳେ 4 ଜଣ ଯବାନ ବିଦ୍ୟୁତ ଆଘାତ ପାଇଥିଲେ । ତେବେ ଏଥିରେ ଜଣଙ୍କର ମୃତ୍ୟୁ ହୋଇଥିବାବେଳେ ଅନ୍ୟ ତିନି ଜଣ ଆହତ ହୋଇଛନ୍ତି ।

ସୁମିତଙ୍କୁ କରେଣ୍ଟ ଲାଗିଛି ଓ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ଖବର ପ୍ରଥମେ ତାଙ୍କ ଘର ଲୋକଙ୍କୁ ଦିଆଯାଇଥିବାବେଳେ ପରେ ତାଙ୍କର ମୃତ୍ୟୁ ଘଟିଥିବା କ୍ୟାମ୍ପରୁ ଖବର ଆସିଥିଲା ।