ଯୋଗୀଙ୍କ ବଡ ଘୋଷଣା, 14 ଲକ୍ଷ ମନରେଗା ଶ୍ରମିକଙ୍କ ମିଳିବ ଚାକିରୀ

କୋରୋନା ସଙ୍କଟ ମଧ୍ୟରେ ରାଜ୍ୟରେ 14 ଲକ୍ଷ MNREGA ଶ୍ରମିକଙ୍କୁ କାମ ଦିଆଯାଇଛି ବୋଲି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କହିଛନ୍ତି । ଏହା ବ୍ୟତୀତ 6.5 ଲକ୍ଷ ପ୍ରବାସୀ ଶ୍ରମିକଙ୍କ ଯତ୍ନ ନିଆଯାଇଛି।

ଲକ୍ଷ୍ନୌ: କୋରୋନା ସଙ୍କଟ ମଧ୍ୟରେ ରାଜ୍ୟରେ 14 ଲକ୍ଷ ମନରେଗା ଶ୍ରମିକଙ୍କୁ କାମ ଦିଆଯାଇଛି ବୋଲି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କହିଛନ୍ତି । ଏହା ବ୍ୟତୀତ 6.5 ଲକ୍ଷ ପ୍ରବାସୀ ଶ୍ରମିକଙ୍କ ଯତ୍ନ ନିଆଯାଇଛି। ମୁଖ୍ୟମନ୍ତ୍ରୀ ଯୋଗୀ କହିଛନ୍ତି ଯେ ପ୍ରବାସୀ ଶ୍ରମିକଙ୍କୁ ନେଇ କୈଣସି ରାଜନୀତି ହେବା ଉଚିତ ନୁହେଁ। ସରକାର ଗରିବ ଲୋକଙ୍କୁ ସାହାଯ୍ୟ କରୁଛନ୍ତି।

ଯୋଗୀ ଆଦିତ୍ୟନାଥ କହିଛନ୍ତି ଯେ ବିପର୍ଯ୍ୟୟ ସମୟରେ ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନା ଅଧୀନରେ ପ୍ରଥମ ଥର ପାଇଁ ଏକ ବଡ ରିଲିଫ ପ୍ୟାକେଜ ଘୋଷଣା କରାଯାଇଛି। ଯେଉଁମାନେ ସେମାନଙ୍କ ଶାସନ କାଳରେ ଗରିବ ଏବଂ ମହିଳାଙ୍କ କଲ୍ୟାଣ ଯୋଜନା ପାଇଁ ଟଙ୍କା ଜବତ କରୁଥିଲେ, ଆଜି ଯେତେବେଳେ ଏହି ଟଙ୍କା ସେହି ଗରିବଙ୍କ ଆକାଉଣ୍ଟରେ ପହଞ୍ଚୁଛି, ସେତେବେଳେ ସେମାନଙ୍କ ରାଗ ବାହାରକୁ ଦେଖାଯାଉଛି। ସେ କହିଛନ୍ତି ଯେ 2 କୋଟି 34 ଲକ୍ଷ ଚାଷୀଙ୍କୁ ସେମାନଙ୍କ ଆକାଉଣ୍ଟରେ 2 ହଜାର ଲେଖାଏଁ ଟଙ୍କା ମିଳିଛି। ଜନଧନ ଆକାଉଣ୍ଟରେ 3 କୋଟି 26 ଲକ୍ଷ ମହିଳା ଏପ୍ରିଲରେ ଓ ମେ ମାସରେ ପ୍ରଥମ କିସ୍ତିରେ1630 କୋଟି ଟଙ୍କା ପାଇଛନ୍ତି।

ମୁଖ୍ୟମନ୍ତ୍ରୀ ଯୋଗୀ କହିଛନ୍ତି ଯେ 1 କୋଟି 47 ଲକ୍ଷ ପରିବାରକୁ ମାଗଣା ଏଲପିଜି ସିଲିଣ୍ଡର ଯୋଗାଇ ଦିଆଯାଇଛି। 18 କୋଟି ଗରିବ ଲୋକଙ୍କୁ 2 ଥର ଖାଦ୍ୟ ସାମଗ୍ରୀ ବଣ୍ଟନ କରାଯାଇସାରିଛି ଏବଂ ତୃତୀୟ ଥର ପାଇଁ ବଣ୍ଟନ ହେବାକୁ ଯାଉଛି । ସରକାର ଦୈନିକ 30 ଲକ୍ଷରୁ ଅଧିକ ବେତନ ଶ୍ରମିକ ଓ ଗରିବ ଲୋକଙ୍କୁ 1000 ଟଙ୍କା ରକ୍ଷଣାବେକ୍ଷଣ ଭତ୍ତା ଏବଂ ମାଗଣା ଖାଦ୍ୟ ଶସ୍ୟ ପ୍ରଦାନ କରୁଛନ୍ତି।