ମହାରାଷ୍ଟ୍ର ନିର୍ବାଚନ: ଦେବେନ୍ଦ୍ର ଫଡନାଭିସଙ୍କ ପ୍ରାର୍ଥୀପତ୍ର ଦାଖଲ

ଶୁକ୍ରବାର ମହାରାଷ୍ଟ୍ର ବିଧାନସଭା ନିର୍ବାଚନ ପାଇଁ ପ୍ରାର୍ଥିପତ୍ର ଦାଖଲ କରିଛନ୍ତି ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ । ଏହା ପୂର୍ବରୁ ରୋଡ ଶୋ’ କରିଛନ୍ତି ସେ ।

ମୁମ୍ବାଇ: ମହାରାଷ୍ଟ୍ର ବିଧାନସଭା ନିର୍ବାଚନ ପାଇଁ ଶୁକ୍ରବାର ନିଜର ପ୍ରାର୍ଥୀପତ୍ର ଦାଖଲ କରିଛନ୍ତି ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ । ରାଜ୍ୟର ନାଗପୁର ଦକ୍ଷିଣ ପଶ୍ଚିମ ବିଧାନସଭା ଆସନରୁ ନାମାଙ୍କନ ପତ୍ର ଦାଖଲ କରିଛନ୍ତି ସେ।

ମୁମ୍ବାଇରେ ରୋଡ ଶୋ’ ପରେ ସେ ତାଙ୍କର ନାମାଙ୍କନ ପତ୍ର ଦାଖଲ କରିଛନ୍ତି। ଏହି ରୋଡ ଶୋ’ରେ କେନ୍ଦ୍ରମନ୍ତ୍ରୀ ନୀତିନ ଗଡକରୀ ଓ ମହାରାଷ୍ଟ୍ର ବିଜେପି ରାଜ୍ୟଶାଖା ସଭାପତି ଚନ୍ଦ୍ରକାନ୍ତ ପାଟିଲ ପ୍ରମୁଖ ସାମିଲ ହୋଇଥିଲେ। ଏଥିରେ ତାଙ୍କର ପତ୍ନୀ ଅମୃତା ଫଡନାଭିସ ମଧ୍ୟ ଉପସ୍ଥିତ ଥିବାର ଦେଖିବାକୁ ମିଳିଛି। ନାମାଙ୍କନ କରିବା ପୂର୍ବରୁ ପୂଜା ପାଠ କରିଛନ୍ତି ଦେବେନ୍ଦ୍ର ଫଡନାଭିସ ।