ନୂଆଦିଲ୍ଲୀ: ଆତଙ୍କ ସୃଷ୍ଟି କରୁଛି କୋରୋନା । ଦିନକୁ ଦିନ ଭୟଙ୍କରରୁ ଅତି ଭୟଙ୍କର ହେଉଛି ଏହି ଭାଇରସ । ଯାହାର ଜାଲରେ ଛନ୍ଦି ହୋଇପଡିଛି ଚୀନ ସମେତ 48 ଟି ଦେଶ । ଏହି ପ୍ରାଣଘାତୀ ଭାଇରସ ପାଇଁ ଚୀନରେ ଶୁକ୍ରବାର ସୁଦ୍ଧା 3042 ଲୋକ ପ୍ରାଣ ହରାଇ ସାରିଲେଣି । ଏଥିସହ ଆକ୍ରାନ୍ତଙ୍କ ସଂଖ୍ୟା 80552ରେ ପହଞ୍ଚିଛି ।
ଏପଟେ ବିଶ୍ବ ସ୍ବାସ୍ଥ୍ୟ ସଂଗଠନର ତଥ୍ୟ ଅନୁଯାୟୀ, ସମଗ୍ର ବିଶ୍ବରେ COVID-19 ର 2,241 ନୂତନ ମାମଲା ରିପୋର୍ଟ ହୋଇଛି । ଏଥିସହ ସମଗ୍ର ବିଶ୍ବରେ ଆକ୍ରାନ୍ତଙ୍କ ସଂଖ୍ୟା 95,333 ପହଞ୍ଚିଛି ।