ପିଏମସି ବ୍ୟାଙ୍କ ଖାତାଧାରକଙ୍କୁ ଭେଟିଲେ ମହାରାଷ୍ଟ୍ର ମୁଖ୍ୟମନ୍ତ୍ରୀ

ସାର୍ବଜନୀନ ସଭାସ୍ଥଳୀ ବାହାରେ ବିରୋଧ ପ୍ରଦର୍ଶନ କରୁଥିବା ପିଏମସି ବ୍ୟାଙ୍କ ଖାତାଧାରକଙ୍କୁ ଭେଟିଛନ୍ତି ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ । ନ୍ୟାୟ ପାଇଁ ବିକ୍ଷୋଭକାରୀଙ୍କୁ ଆଶ୍ବାସନ ଦେଇଛନ୍ତି ସେ।

ମୁମ୍ବାଇ: ପଞ୍ଜାବ ଏବଂ ମହାରାଷ୍ଟ୍ର କୋଅପରେଟିଭ ବ୍ୟାଙ୍କର ଖାତାଧାରକଙ୍କୁ ଭେଟିଛନ୍ତି ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ। ଏହି ବ୍ୟାଙ୍କ ଉପରେ ଲଗାଯାଇଥିବା ପ୍ରତିବନ୍ଧକକୁ ନେଇ ଅନେକ ଦିନ ଧରି ଏହାର ଖାତାଧାରକଙ୍କ ମଧ୍ୟରେ ଅସନ୍ତୋଷ ଲାଗି ରହିଥିଲା।

ଅସନ୍ତୁଷ୍ଟ ଖାତା ଧାରକ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସଙ୍କ ସଭାସ୍ଥଳ ବାହାରେ ବିରୋଧ ପ୍ରଦର୍ଶନ କରୁଥିଲେ। ଏହାପରେ ମୁଖ୍ୟମନ୍ତ୍ରୀ ସଭାସ୍ଥଳରୁ ବାହାରକୁ ଆସି ସେମାନଙ୍କୁ ଭେଟିଛନ୍ତି। ଏହା ସହ ଖାତାଧାରକଙ୍କୁ ନ୍ୟାୟ ମିଳିବା ନେଇ ଆଶ୍ବାସନ ଦେଇଛନ୍ତି।