ମାନ୍ଦାବସ୍ଥାକୁ ନେଇ ସଂସଦରେ ସରକାରଙ୍କୁ ଘେରିବ କଂଗ୍ରେସ

ସୋମବାର ସଂସଦର ଶୀତ ଅଧିବେଶନ ଅନୁଷ୍ଠିତ ହୋଇଯାଇଛି। ଆର୍ଥିକ ମାନ୍ଦାବସ୍ଥା ପ୍ରସଙ୍ଗରେ କେନ୍ଦ୍ର ସରକାରଙ୍କୁ ଘେରିବା ଯୋଜନାରେ ରହିଛି ବିରୋଧି କଂଗ୍ରେସ।

ନୂଆଦିଲ୍ଲୀ: ଦେଶ ବର୍ତ୍ତମାନ ଆର୍ଥିକ ମନ୍ଦାବସ୍ଥାରେ ଗତି କରୁଛି । ଏହା ସହିତ ବେକାରୀ ପାଇବା ସହ ମହଙ୍ଗା ମାଡରେ ଛଟପଟ ହେଉଛନ୍ତି ସାଧାରଣ ଲୋକ । ଆର୍ଥିକ ପ୍ରସଙ୍ଗକୁ ନେଇ କେନ୍ଦ୍ରର ମୋଦି ସରକାରଙ୍କୁ ଘେରିବା ଯୋଜନାରେ ରହିଛି କଂଗ୍ରେସ । ସୋମବାର ଠାରୁ ସଂସଦର ଶୀତ ଅଧିବେଶନ ଆରମ୍ଭ ହୋଇଛି । ବର୍ତ୍ତମାନର ପରିସ୍ଥିତିରେ ଦେଶରେ ଦେଖା ଦେଇଥିବା ଆର୍ଥିକ ସମସ୍ୟାକୁ ନେଇ କେନ୍ଦ୍ର ସରକାରଙ୍କୁ ଘେରିବାକୁ ସଂସଦକୁ ପ୍ରତିନିଧିତ୍ବ କରୁଥିବା ଦଳୀୟ ସଦସ୍ୟଙ୍କ ଉଦ୍ଦେଶ୍ୟ ଜଣାଇଛନ୍ତି ବରିଷ୍ଠ କଂଗ୍ରେସ ନେତା ପି.ଚିଦାମ୍ବରମ ।

ଟ୍ବିଟର ମାଧ୍ୟମରେ ଚିଦାମ୍ବରମଙ୍କ ପରିବାରଙ୍କ ପରିବାର ପକ୍ଷରୁ ଏନେଇ ସୂଚନା ଦିଆଯାଇଛି । ଏହାସହ କେନ୍ଦ୍ର ସରକାର ବୈଧ ଆଲୋଚନା ସହ ବାସ୍ତବିକ ସତ୍ୟତାକୁ ଗ୍ରହଣ କରୁନାହାନ୍ତି ବୋଲି ଅନ୍ୟ ଏକ ଟ୍ବିଟରେ ଉଲ୍ଲେଖ କରାଯାଇଛି । ସେପଟେ, ସଂସଦର ଶୀତ ଅଧିବେଶନରେ ପି.ଚିଦାମ୍ବରମଙ୍କୁ ଉପସ୍ଥିତି ରହିବା ଦରକାର ବୋଲି କହିଥିଲେ ଗୁଲାମ ନବୀ ଆଜାଦ ।

ଏହି ଅଧିବେଶନରେ ନାଗରିକତା ବିଲକୁ ଉପସ୍ଥାପନା କରାଯିବ । ପର୍ସନାଲ ଡାଟା ପ୍ରୋଟେକାନ ବିଲ 2019, ଆଣ୍ଟି ମେରିଟାଇମ ପ୍ରାଇସି ବିଲ 2019 ଓ ଟ୍ରାନ୍ସଜେଣ୍ଡର ପର୍ସନ ବିଲ 2019 ସହ ଅନ୍ୟ 47ଟି ବିଲ ଉପରେ ଆଲୋଚନା ହୋଇପାରେ।