ନୂଆଦିଲ୍ଲୀ: କଣ୍ଟ୍ରୋଲର୍ ଏବଂ ଅଡିଟର ଜେନେରାଲ (CAG) ଏକ ରିପୋର୍ଟରେ ଦେଶର ବିଦ୍ୟାଳୟରେ ନିର୍ମିତ ଶୌଚାଳୟ ବିଷୟରେ ଏକ ବଡ ଖୁଲାସା କରିଛି। ରିପୋର୍ଟ ଅନୁଯାୟୀ, ଦେଶର 15 ଟି ପ୍ରମୁଖ ରାଜ୍ୟରେ 75 ପ୍ରତିଶତ ବିଦ୍ୟାଳୟରେ ଶୌଚାଳୟ ଅଛି ମାତ୍ର ସେଠାରେ ସ୍ବଚ୍ଛତା ନାହିଁ । ଏହି ରିପୋର୍ଟ ପରେ ବର୍ତ୍ତମାନ କଂଗ୍ରେସ ନେତା ତଥା ପୂର୍ବତନ କେନ୍ଦ୍ର ମନ୍ତ୍ରୀ ପି. ଚିଦାମ୍ବରମ ସରକାରଙ୍କୁ ଟାର୍ଗେଟ କରିଛନ୍ତି।
75 ପ୍ରତିଶତ ସରକାରୀ ସ୍କୁଲରେ ନାହିଁ ସ୍ବଚ୍ଛତା, ସରକାରଙ୍କୁ ଘେରିଲେ ଚିଦାମ୍ବରମ
CAG ରିପୋର୍ଟ ଅନୁଯାୟୀ, ଦେଶର 15 ଟି ପ୍ରମୁଖ ରାଜ୍ୟରେ 75 ପ୍ରତିଶତ ବିଦ୍ୟାଳୟରେ ଶୌଚାଳୟ ଅଛି ମାତ୍ର ସେଠାରେ ସ୍ବଚ୍ଛତା ନାହିଁ । ଏହି ରିପୋର୍ଟ ପରେ ବର୍ତ୍ତମାନ କଂଗ୍ରେସ ନେତା ତଥା ପୂର୍ବତନ କେନ୍ଦ୍ର ମନ୍ତ୍ରୀ ପି. ଚିଦାମ୍ବରମ ସରକାରଙ୍କୁ ଟାର୍ଗେଟ କରିଛନ୍ତି।
75 ପ୍ରତିଶତ ସରକାରୀ ସ୍କୁଲରେ ନାହିଁ ସ୍ବଚ୍ଛତା
ସଂସଦରେ ଦର୍ଶାଯାଇଥିବା ଏହି CAG ରିପୋର୍ଟ ଅନୁଯାୟୀ, ପ୍ରତ୍ୟେକ 2326 ଶୌଚାଳୟ ମଧ୍ୟରୁ 1812 ଟିରେ ଜଳ ବ୍ୟବସ୍ଥା ନାହିଁ । 1812 ଟି ଶୌଚାଳୟ ମଧ୍ୟରୁ 715ଟି ରେ ସ୍ବଚ୍ଛତା ନାହିଁ । ଏଭଳି ପରିସ୍ଥିତିରେ ସରକାରୀ ବିଦ୍ୟାଳୟ ଶୌଚାଳୟର ଶତକଡା 75 ଭାଗରେ ସ୍ବଚ୍ଛତା, ସାବୁନ ଏବଂ ଜଳ ସଠିକ୍ ଭାବରେ ରକ୍ଷଣାବେକ୍ଷଣ କରାଯାଇ ନାହିଁ।
ଏହି ରିପୋର୍ଟ ଉପରେ ପ୍ରତିକ୍ରିୟା ପ୍ରକାଶ କରି ପୂର୍ବତନ କେନ୍ଦ୍ର ମନ୍ତ୍ରୀ ପି. ଚିଦାମ୍ବରମ୍ ଲେଖିଛନ୍ତି ଯେ CAG ରିପୋର୍ଟ ଅନୁଯାୟୀ ସରକାରୀ ବିଦ୍ୟାଳୟରେ ନିର୍ମିତ ଶୌଚାଳୟର 40 ପ୍ରତିଶତରୁ ଅଧିକ କାର୍ଯ୍ୟକ୍ଷମ ନୁହେଁ । ସେ ଏହା ମଧ୍ୟ କହିଛନ୍ତି, ‘ ଏହାପୂର୍ବରୁ ସ୍ବଚ୍ଛ ଭାରତ ଯୋଜନା ଅଧୀନରେ ନିର୍ମିତ ଶୌଚାଳୟ ବିଷୟରେ ମଧ୍ୟ ସମାନ ଖବର ଆସିଥିଲା। ବର୍ତ୍ତମାନ ଯଦି 40 ପ୍ରତିଶତ ଶୌଚାଳୟ କାମ କରୁନାହିଁ, ତେବେ ଦେଶ କିପରି ଖୋଲା ଶୌଚ ମୁକ୍ତ ହେବ ?’