ନୂଆଦିଲ୍ଲୀ: ବୁଧବାର ରାତିରେ ଗିରଫ ହୋଇଛନ୍ତି ବରିଷ୍ଠ କଂଗ୍ରେସ ନେତା ତଥା ପୂର୍ବତନ କେନ୍ଦ୍ର ଗୃହମନ୍ତ୍ରୀ ପି. ଚିଦାମ୍ବରମ୍ । ଆଇଏନଏକ୍ସ ମିଡିଆ ଦୁର୍ନୀତି ମାମଲାରେ ଚିଦାମ୍ବରମଙ୍କୁ ଗିରଫ କରିଛି ସିବିଆଇ ।
ହେଲେ ଏହି ଗିରଫଦାରୀକୁ ନେଇ ଚିଦାମ୍ବରମ ହୁଏତ କେବେ ଭାବି ବି ନଥିବେ କି ଯେଉଁ ସଂସ୍ଥାର ହେଡକ୍ବାର୍ଟରକୁ ଦିନେ ସେ ଉଦ୍ଘାଟନ କରିଥିଲେ, ସେଠାରେ ତାଙ୍କୁ ରାତି ବିତାଇବାକୁ ହେବ । ସୂଚନା ଅନୁଯାୟୀ 2011 ମସିହା, ଜୁନ 30ରେ ଦିଲ୍ଲୀ ଲୋଧି ରୋଡରେ ସିବିଆଇର ସେହି ହେଡକ୍ବାର୍ଟରକୁ ଚିଦାମ୍ବରମ୍ ଉଦ୍ଘାଟନ କରିଥିଲେ, ଯେଉଁଠାରେ ବୁଧବାର ଗିରଫ ହେବା ପରେ ତାଙ୍କୁ ରାତି ବିତାଇବାକୁ ପଡିଥିଲା ।