ରାୟପୁର: ଚାଷୀଙ୍କ ପାଇଁ ବଡ ଘୋଷଣା କରିଛନ୍ତି ଛତିଶଗଡ ସରକାର । ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ଶ୍ରାଦ୍ଧବାର୍ଷିକୀରେ 21 ମେରୁ ନ୍ୟାୟ ଯୋଜନା ଆରମ୍ଭ ହେବ । ଏହି ନ୍ୟାୟ ଯୋଜନା ଛତିଶଗଡରେ ପୂର୍ବତନ କଂଗ୍ରେସ ସଭାପତି ରାହୁଲ ଗାନ୍ଧୀ ଘୋଷଣା କରିଛନ୍ତି ଏବଂ ଏହାର କାର୍ଯ୍ୟକାରିତା ମୁଖ୍ୟମନ୍ତ୍ରୀ ଭୁପେଶ ବଘେଲଙ୍କ ଦ୍ବାରା ଉଦଘାଟିତ ହେବ ।
ରାଜ୍ୟରେ କିଷାନ ନ୍ୟାୟ ଯୋଜନା ଦ୍ବାରା 20 ଲକ୍ଷ ଚାଷୀ ଉପକୃତ ହେବେ ବୋଲି ଘୋଷଣା କରିଛନ୍ତି ସରକାର । ଯେଉଁଥିରେ ଧାନ, ମକା ଏବଂ ଆଖୁ (ରବି) ଫସଲ ପାଇଁ ପଞ୍ଜୀକୃତ ଚାଷୀଙ୍କ ବ୍ୟାଙ୍କ ଆକାଉଣ୍ଟକୁ ଫଣ୍ଡ ଟ୍ରାନ୍ସଫର କରାଯିବ । ଖରିଫ ବର୍ଷ 2019 ରେ ପଞ୍ଜୀକୃତ ଚାଷ ଜମି ଅନୁସାରେ ମିଳିବ ଟଙ୍କା ।